മൂന്ന് വർഷത്തോളമായി ഇന്ത്യൻ ബാറ്റ്സ്മാൻ വിരാട് കോഹ്ലി വലിയ റണ്ണുകൾ നേടുന്നില്ല. സെഞ്ച്വറി ആഘോഷിക്കാൻ ഹെൽമറ്റ് അഴിച്ച് കൈകൾ നീട്ടി ഗർജ്ജിക്കുന്നത് കാണാൻ ആരാധകർ ആകാംക്ഷയോടെ കാത്തിരിക്കുകയാണ്.
മോശം ഘട്ടത്തിലൂടെ കടന്നുപോകുന്ന കോഹ്ലി, അവസാനമായി അന്താരാഷ്ട്ര സെഞ്ച്വറി നേടിയത് 2019 നവംബറിലാണ്. ഇംഗ്ലണ്ടിനെതിരായ അഞ്ചാം ടെസ്റ്റിൽ (പുനഃക്രമീകരിച്ച ടെസ്റ്റ്) കോഹ്‌ലിയിൽ നിന്ന് ഒരു തിരിച്ചുവരവ് പ്രതീക്ഷിച്ചിരുന്നെങ്കിലും അത് നടന്നില്ല. ഒരിക്കൽ കൂടി വലിയ സ്കോർ നേടുന്നതിൽ താരം പരാജയപ്പെട്ടു. നിർണ്ണായക ടെസ്റ്റിൽ ആദ്യ ഇന്നിംഗ്‌സിൽ 11 ഉം രണ്ടാം ഇന്നിംഗ്‌സിൽ 20 ഉം മാത്രമാണ് അദ്ദേഹം നേടിയത്, ഇംഗ്ലണ്ട് വിജയിച്ച ടെസ്റ്റ് പരമ്പര 2-2 ന് സമനിലയിലാക്കി.
അദ്ദേഹത്തിന്റെ കരിയറിലെ മൊത്തത്തിലുള്ള ടെസ്റ്റ് ശരാശരി ഇപ്പോഴും 49.53 ആണ്, എന്നാൽ കഴിഞ്ഞ വർഷത്തെ ശരാശരി 30 ൽ താഴെയാണ്. കഴിഞ്ഞ ഒരു വർഷത്തിനിടെ കോഹ്ലി 10 ടെസ്റ്റുകൾ കളിക്കുകയും 18 തവണ ബാറ്റ് ചെയ്യുകയും ചെയ്തിട്ടുണ്ട്. ഈ 10 ടെസ്റ്റുകളിൽ 3 എണ്ണം സ്വദേശത്തും 7 വിദേശത്തുമാണ്. ഈ 18 ഇന്നിംഗ്‌സുകളിൽ നിന്ന് 29.27 ശരാശരിയിൽ 527 റൺസ് അദ്ദേഹം നേടിയിട്ടുണ്ട്. കഴിഞ്ഞ ഒരു വർഷത്തിനിടെ ടെസ്റ്റ് ക്രിക്കറ്റിൽ അദ്ദേഹം മൂന്ന് അർധസെഞ്ചുറികൾ മാത്രമാണ് നേടിയത്.
ഇതുമായി ബന്ധപെട്ട അഭിപ്രായം പറയുകയാണ് ഇംഗ്ലണ്ട് മുൻ താരം പനേസർ: കോഹ്‌ലിയെ പോലെ റിയൂ താരം ഇപ്പോഴത്തെ ഫോമിൽ ലോകകപ്പ് കളിക്കാൻ യോഗ്യനാണോ? അയാളെ പോലെ ഓർ താരം കളിച്ചാൽ സാമ്പത്തികമായി ഗുണം ചെയ്യും, കാണികൾ അയാളെ കാണാൻ കൂടി വരും. പക്ഷെ ഒരു ടീമിന് അയാൾ ഇപ്പോൾ കളിക്കാൻ യോഗ്യനാണോ എന്ന് പരിശോധിക്കണം.”
” സച്ചിനോടോ യുവരാജിനോടൊ കോഹ്ലി സംസാരിക്കണം. ഇപ്പോൾ നേരിടുന്ന ബാറ്റിങ് പ്രാശ്‌നങ്ങൾക്ക് അവർക്ക് പരിഹാരം നിർദേശിക്കാൻ അവർക്ക് കഴിയും. രാജിവെക്കലുമായി ബന്ധപ്പെട്ട് ബിസിസിയുമായി ഉള്ള പ്രശ്നങ്ങൾക്ക് ശേഷമാണ് കോഹ്ലി ഇത്രയും മോശം അവസത്തയിലേക്ക് പോയത്, അത് അയാളെ ബാധിച്ചിട്ടുണ്ടാകാം. എനിക്ക് അറിയാവുന്ന കോഹ്ലി ഇങ്ങനെ അല്ല, എല്ലാം ശരിയാകുമെന്ന് പ്രതീക്ഷിക്കാം.”