കട്ടക്കില്‍ നടക്കുന്ന ഇന്ത്യാ ശ്രീലങ്ക ആദ്യ ടി20 മത്സരത്തില്‍ മലയാളി താരം ബേസില്‍ തമ്പനിക്ക് ഇടമില്ല. ബേസില്‍ തമ്പി ഇന്ന് കളിക്കുമെന്നാണ് കരുതിയിരുന്നതെങ്കിലും പരുക്ക് കാരണം ബേസിലിന് ഇടം ലഭിച്ചില്ല.
ടോസ് നഷ്ടപ്പെട്ട ഇന്ത്യ ആദ്യ ബാറ്റിംഗിന് ഇറങ്ങും. ശിഖര്‍ ധവാന് പകരം കെഎല്‍ രാഹുലായിരിക്കും ഇന്നിംഗ്‌സ് ഓപ്പണ്‍ ചെയ്യുന്നത്.
ടെസ്റ്റിലും ഏകദിനത്തിലും നേടിയ പരമ്പരവിജയങ്ങളുടെ തുടര്‍ച്ച മോഹിച്ചാണ് ഇന്ത്യന്‍ ടീം ശ്രീലങ്കയ്‌ക്കെതിരായ ടി20 പരമ്പരയ്ക്കിറങ്ങുന്നത്. മൂന്നു മത്സരങ്ങളുള്ള പരമ്പരയിലെ ആദ്യമത്സരമാണ് ഇന്ന് നടക്കുന്നത്. പുതുമുഖ താരമായ ജയദേവ് ഉണ്‍ദകട്ട് ഇന്ന് കളിക്കാനിറങ്ങുന്നുണ്ട്. വിരാട് കോഹ്‌ലിയുടെ അഭാവത്തില്‍ രോഹിത് ശര്‍മ്മയാണ് ടീമിനെ നയിക്കുന്നത്.