പാകിസ്ഥാൻ നായകൻ ബാബർ അസം കരിയറിലെ ഏറ്റവും മികച്ച വർഷങ്ങളിലൂടെയാണ് കടന്നുപോകുന്നത്. ആധുനിക യുഗത്തിലെ ഏറ്റവും മികച്ച ബാറ്റർമാരിൽ ഒരാളായി ഇതിനകം കണക്കാക്കപ്പെടുന്ന താരം പല റെക്കോർഡുകളും മറികടക്കുമെന്നാണ് പ്രതീക്ഷിക്കപ്പെടുന്നത്.
പാകിസ്ഥാൻ ക്രിക്കറ്റിന്റെ സമീപകാല കുതിപ്പിൽ, പ്രത്യേകിച്ച് വൈറ്റ്-ബോൾ ക്രിക്കറ്റിൽ 27-കാരൻ ഒരു പ്രധാന പങ്ക് വഹിച്ചു. ഏകദിനത്തിലും ടി20യിലും ഒന്നാം റാങ്കുകാരനായ ബാബർ, 2015-ൽ അരങ്ങേറ്റം കുറിച്ചതിനു ശേഷം കുതിച്ചുയരുകയാണ്. മുൻ വെസ്റ്റ് ഇൻഡീസ് ക്രിക്കറ്റ് താരം ഇയാൻ ബിഷപ്പ് തന്റെ നിലവിലെ ഫോമിൽ മുൻ ഇന്ത്യൻ ക്യാപ്റ്റൻ വിരാട്ടിനെ “ഏതാണ്ട് മറികടന്നു” എന്ന് കരുതുന്നു. 50 ഓവർ ഫോർമാറ്റിലെ ഏറ്റവും മികച്ച ബാറ്ററാണ് കോഹ്‌ലി. ആ കൊഹ്‌ലിയെ ഇപ്പോൾ തന്നെ ബാബർ മറികടന്നു എന്നാണ് ഇയാൻ ബിഷപ്പ് പറയുന്നത്.
“മഹത്വത്തിലേക്കുള്ള പാതയിലാണ് ബാബർ അസം. കുറഞ്ഞത് വൈറ്റ്-ബോൾ ക്രിക്കറ്റിൽ, തീർച്ചയായും അൻപത് ഓവറിൽ, ‘ഓൺ ദി റോഡ് ടു…’ എന്ന് പറയുമ്പോൾ എനിക്ക് വ്യക്തമായി പറയാൻ ആഗ്രഹമുണ്ട്. ” മഹാൻ” എന്ന പദം ഞാൻ ചുമ്മാ പറയുന്നതല്ല. ഒരു കളിക്കാരന് മഹത്വം നൽകുന്നതിന് ഇത് ഒരു വലിയ സാമ്പിൾ സൈസ് ആയിരിക്കണം, എന്നാൽ നമ്മൾ ഇപ്പോൾ സംസാരിക്കുന്നതുപോലെ, (17 ഏകദിന സെഞ്ചുറികളോടെ) അവന്റെ ശരാശരി 60 എന്ന നിലയിലാണ്. ആത്യന്തികമായ uber 50-ഓവർ ബാറ്ററിന്റെ കാര്യത്തിൽ അദ്ദേഹം തന്റെ അടുത്ത അയൽക്കാരനായ മഹാനായ വിരാട് കോഹ്‌ലിയെ ഏറെക്കുറെ മറികടന്നു,” cricwick.net-ലെ ആശയവിനിമയത്തിനിടെ ബിഷപ്പ് പറഞ്ഞു.
എന്നിരുന്നാലും, റെഡ്-ബോൾ ക്രിക്കറ്റിൽ ബാബറിന്റെ കളി മെച്ചപ്പെടുത്തേണ്ടതുണ്ടെന്ന് ബിഷപ്പ് പറഞ്ഞു, ടെസ്റ്റ് ക്രിക്കറ്റിലെ തന്റെ ബാറ്റിംഗ് “നാനായികൊണ്ടിരിക്കുകയാണ് “. ഇതുവരെ 89 ഏകദിനങ്ങളിൽ നിന്ന് 59.22 ശരാശരിയിൽ 4,442 റൺസ് ബാബർ നേടിയിട്ടുണ്ട്. 50 ഓവർ ഫോർമാറ്റിൽ 17 സെഞ്ചുറികളും 19 അർധസെഞ്ചുറികളും അദ്ദേഹം നേടിയിട്ടുണ്ട്.