ആഷസ് ടെസ്റ്റ് ക്രിക്കറ്റ് പരമ്പരയില് ടിം പെയ്നിന്റെ പകരക്കാരനായി അലക്സ് കാരി ഓസ്ട്രേലിയയുടെ വിക്കറ്റ് കീപ്പറാകുമെന്ന് റിപ്പോര്ട്ട്. സഹപ്രവര്ത്തകയ്ക്ക് അശ്ലീല സന്ദേശം അയച്ചതിന് പിടിക്കപ്പെട്ട പെയ്ന് ഓസീസ് ടീമിന്റെ നായക സ്ഥാനം ഒഴിഞ്ഞശേഷം മാനസികാരോഗ്യം വീണ്ടെടുക്കുന്നതിന് അനിശ്ചിത കാലത്തേക്ക് വിശ്രമത്തിലേക്ക് കടന്നിരുന്നു.
ജോഷ് ഇംഗ്ലിസും അലക്സ് കാരിയും തമ്മിലാണ് ഓസ്ട്രേലിയയുടെ വിക്കറ്റ് കീപ്പര് സ്ഥാനത്തിനുവേണ്ടി മത്സരിക്കുന്നത്. ഇപ്പോഴത്തെ സാഹചര്യത്തില് കാരിക്കാണ് മുന്തൂക്കമെന്ന് പറയപ്പെടുന്നു.
ഓസീസിനായി നിശ്ചിത ഓവര് ക്രിക്കറ്റില് 83 മത്സരങ്ങള് കളിച്ച താരമാണ് കാരി. ടീമിന്റെ ക്യാപ്റ്റന് പദവിയും കാരി വഹിച്ചിരുന്നു. എന്നാല് ടെസ്റ്റില് കാരിക്ക് ഇതുവരെ അരങ്ങേറാന് സാധിച്ചിട്ടില്ല.