ടി20 ക്രിക്കറ്റ് ലോക കപ്പില് ന്യൂസിലന്ഡിനെ നേരിടുമ്പോള് ഓസ്ട്രേലിയ ഭയക്കുക ഇന്ത്യന് വംശജനായ സ്പിന്നര് ഇഷ് സോധിയെ. ഓസീസ് ബാറ്റര്മാര്ക്കെതിരെ പന്തെറിയുന്നത് സോധി ഏറെ ആസ്വദിക്കുന്നതായി കണക്കുകള് തെളിയിക്കുന്നു.
ട്വന്റി20യില് ഓസ്ട്രേലിയക്കെതിരെ ഏറ്റവും കൂടുതല് വിക്കറ്റെടുത്ത മൂന്നാമത്തെ ബോളറാണ് സോധി. ഒമ്പത് മത്സരങ്ങളില് 16 വിക്കറ്റുകളാണ് ഓസീസിനെതിരെ സോധി കൊയ്തത്. 7.38 ആണ് എക്കോണമി. ഈ വര്ഷം 21 വിക്കറ്റുകള് സോധി സ്വന്തമാക്കിയിട്ടുണ്ട്.
ഓസീസുമായി സ്വന്തം നാട്ടില് നടന്ന പരമ്പരയില് 13 വിക്കറ്റുകള് സോധി സ്വന്തം പേരിലെഴുതി. കംഗാരുക്കളുടെ നായകന് ആരോണ് ഫിഞ്ചിനെയും മാര്ക്വസ് സ്റ്റോയ്നിസിനെയും മൂന്ന് തവണ വീതം സോധി പുറത്താക്കി. ഉഭയകക്ഷി ടി20 പരമ്പരയിലെ ഏറ്റവും വലിയ വിക്കറ്റ് വേട്ടക്കാരന് എന്ന റെക്കോഡും സോധിയുടെ പേരിലുണ്ട്.