2024 ലെ ടി20 ലോകകപ്പ് നേടാന്‍ ഇന്ത്യന്‍ ടീമിനെ സഹായിച്ച വിക്രം റാത്തോര്‍ രാജസ്ഥാന്‍ റോയല്‍സിന്റെ ബാറ്റിംഗ് പരിശീലകനായി നിയമിതനായി. രാഹുല്‍ ദ്രാവിഡ് മുഖ്യ പരിശീലകനായി എത്തിയതിന് പിന്നാലെയാണ് റാത്തോറും ടീമിന്റെ തലപ്പത്തേക്ക് എത്തിയിരിക്കുന്നത്.
ഇന്ത്യന്‍ ടീമിനൊപ്പമുള്ള കരാര്‍ പൂര്‍ത്തിയാക്കിയതിന് ശേഷം രാഹുല്‍ ദ്രാവിഡിനെ റോയല്‍സ് മുഖ്യ പരിശീലകനായി നിയമിച്ചിരുന്നു. ജയ്പൂര്‍ ആസ്ഥാനമായുള്ള ഐപിഎല്‍ ടീമിന്റെ സ്റ്റാഫ് ടീമിലേക്ക് ദ്രാവിഡിനും ബൗളിംഗ് കോച്ച് ഷെയ്ന്‍ ബോണ്ടിനുമൊപ്പം റാത്തോറും ചേരും.
നേരത്തെ, 1996 മുതല്‍ 1997 വരെ 6 ടെസ്റ്റുകളിലും 7 ഏകദിനങ്ങളിലും ഇന്ത്യന്‍ ടീമിനെ പ്രതിനിധീകരിച്ച റാത്തോര്‍ ദേശീയ സോണ്‍ സെലക്ടറായി സേവനമനുഷ്ഠിച്ചിട്ടുണ്ട്.