ഇപ്പോൾ നടന്ന ടി-20 ലോകകപ്പില് ഇന്ത്യ തങ്ങളുടെ മൂന്നാം ലോകകിരീടം സ്വന്തമാക്കിയിരുന്നു. അവസാന മത്സരത്തിൽ ഇന്ത്യക്കായി മികച്ച പ്രകടനമാണ് സഞ്ജു സാംസൺ, അഭിഷേക് ശർമ്മ, ഇഷാൻ കിഷൻ, ശിവം ദുബെ ഹാർദിക് പാണ്ട്യ എന്നിവർ നടത്തിയത്. ബോളിങ്ങിൽ ജസ്പ്രീത് ബുംറ, ഹർദിക് പാണ്ട്യ, അർശ്ദീപ് സിങ്, അക്സർ പട്ടേൽ എന്നിവരും മികച്ച പ്രകടനം പുറത്തെടുത്തു.
2026 ടി20 ലോകകപ്പിൽ ഇന്ത്യ കിരീടം നേടിയെങ്കിലും സൂപ്പർ-8 ഘട്ടത്തിൽ ദക്ഷിണാഫ്രിക്കയോട് ഏറ്റ ഏക തോൽവിയും അതിനു പിന്നാലെ ടീമിനുള്ളിലുണ്ടായ നാടകീയമായ സംഭവങ്ങളും വെളിപ്പെടുത്തിയിരിക്കുകയാണ് നായകൻ സൂര്യകുമാർ യാദവ്.
“അക്സർ കടുത്ത ദേഷ്യത്തിലായിരുന്നു, അങ്ങനെ തോന്നുന്നത് സ്വാഭാവികവുമാണ്. അദ്ദേഹം ഒരു സീനിയർ താരമാണ്, ഐപിഎല്ലിൽ ഒരു ടീമിനെ നയിക്കുന്ന ആളുമാണ്. ആ മത്സരത്തിൽ അദ്ദേഹത്തെ മാറ്റിയത് എന്റെ തെറ്റായിരുന്നു. പിന്നീട് ഞാൻ അക്സറിനോട് ക്ഷമ ചോദിച്ചു.” – സൂര്യകുമാർ യാദവ് ‘ഇന്ത്യൻ എക്സ്പ്രസിനോട്’ പറഞ്ഞു.