സൺറൈസേഴ്സ് ഹൈദരാബാദ് നായക സ്ഥാനത്ത് നിന്ന് ഓസ്ട്രേലിയൻ ക്യാപ്റ്റൻ പാറ്റ് കമ്മിൻസിനെ മാറ്റി ഇന്ത്യൻ താരം ഇഷാൻ കിഷനെ തിരഞ്ഞെടുത്തതിൽ വിമർശനവുമായി രംഗത്ത് എത്തിയിരിക്കുകയാണ് മുൻ ഇന്ത്യൻ താരം യുവരാജ് സിങ്. പരിക്കേറ്റ ഓസ്ട്രേലിയൻ ക്യാപ്റ്റൻ പാറ്റ് കമ്മിന്സിന് പകരം ഇഷാന് കിഷനെ നായകനായി തിരഞ്ഞെടുത്ത ഹൈദരാബാദ് മാനേജ്മെന്റിന്റെ തീരുമാനത്തെയാണ് യുവി വിമർശിച്ചത്.
‘കഴിഞ്ഞ ഏഴ് വര്ഷമായി അഭിഷേക് ശര്മ്മ ഹൈദരാബാദിനായി കളിക്കുന്നു. ആ ടീമിനായി തന്റെ ഹൃദയവും ആത്മാവും നല്കി മികച്ച പ്രകടനമാണ് അഭിഷേക് പുറത്തെടുക്കുന്നത്. ആഭ്യന്തര ക്രിക്കറ്റില് പഞ്ചാബ് ടീമിനെ നയിച്ച മികച്ച പരിചയസമ്പത്തും അവനുണ്ട്. എന്നിട്ടും കമ്മിന്സിന്റെ അഭാവത്തില് അവനെ ക്യാപ്റ്റനായി പരിഗണിച്ചില്ല എന്നത് നിരാശാജനകമാണ്’
സണ്റൈസേഴ്സ് ഹൈദരാബാദിന്റെ സ്ഥിരം ക്യാപ്റ്റന് പാറ്റ് കമ്മിന്സിന് പരിക്കുമൂലം സീസണിന്റെ ആദ്യ മത്സരങ്ങള് നഷ്ടപ്പെട്ടിരിക്കുകയാണ്. ഈ സാഹചര്യത്തിൽ അഭിഷേക് സൺറൈസേഴ്സിന്റെ നായകനായേക്കുമെന്ന് സീസണിന് മുന്നോടിയായി വാര്ത്തകള് ഉണ്ടായിരുന്നു. എങ്കിലും അപ്രതീക്ഷിതമായാണ് മുംബൈ ഇന്ത്യന്സില് നിന്നും ഈ സീസണില് ടീമിലെത്തിയ ഇഷാന് കിഷനെ മാനേജ്മെന്റ് നായകനായി പ്രഖ്യാപിച്ചത്.