ന്യൂസിലന്‍ഡിനെതിരെ രണ്ടാം ടെസ്റ്റിലും ബാറ്റിംഗ് മറന്ന ഇന്ത്യന്‍ നായകന്‍ വിരാട് കോഹ്ലിയ്‌ക്കെതിരെ ആരാധക രോഷം കത്തുന്നു. തുടര്‍ച്ചയായ 21-ാം ഇന്നിംഗ്സിലാണ് കോഹ്ലി ഇത്തരത്തില്‍ ബാറ്റിംഗ് മറക്കുന്നത്. വെറും മൂന്ന് റണ്‍സിനാണ് കോഹ്ലി രണ്ടാം ടെസ്റ്റിലെ ആദ്യ ഇന്നിംഗ്സില് പുറത്തായത്.
മത്സരത്തില്‍ ഒരു റിവ്യൂ കൂടി പാഴാക്കിയാണ് കോഹ്ലി ഗ്രൗണ്ട് വിട്ടത്. ഇതോടെ കടുത്ത വിമര്‍ശനമാണ് കോഹ്ലി സാമൂഹ്യമാധ്യമങ്ങളില്‍ നേരിടുന്നത്.
ടിം സൗത്തിയാണ് ഇത്തവണയും കോഹ്ലിയുടെ വിക്കറ്റെടുത്തത്. പതിനഞ്ച് പന്തില്‍ മൂന്ന് റണ്‍സെടുത്ത് നില്‍ക്കേ കോഹ്ലി എല്‍ബിയില്‍ കുടുങ്ങുകയായിരുന്നു. എന്നാല്‍ ഇത് അംഗീകരക്കാതെ കോഹ്ലി റിവ്യൂവിന് ചലഞ്ച് ചെയ്യുകയായിരുന്നു. ഇതോടെ ടീമിന്റെ റിവ്യൂകളും തീര്‍ന്നു. നേരത്തെ, മായങ്ക് അഗര്‍വാള്‍ ഒരു റിവ്യൂ ഉപയോഗിച്ചിരുന്നു.
https://twitter.com/Sidloverboy123/status/1233573730661683200?ref_src=twsrc%5Etfw%7Ctwcamp%5Etweetembed%7Ctwterm%5E1233573730661683200&ref_url=https%3A%2F%2Fwww.asianetnews.com%2Fcricket-sports%2Findia-vs-new-zealand-2nd-test-virat-kohli-waste-review-twitter-reaction-q6g877
കിവീസ് പര്യടനത്തില്‍ ഏഴാം തവണയാണ് കോഹ്ലി 20 തികയ്ക്കാതെ മടങ്ങിയത്. അവസാന 21 ഇന്നിംഗ്സിലും കോഹ്ലിക്ക് സെഞ്ച്വറിയും സ്വന്തമാക്കാനായില്ല.
മത്സരത്തില്‍ ഇന്ത്യ ഒന്നാം ഇന്നിംഗ്സില് 242 റണ്‍സില്‍ പുറത്തായി. അഞ്ച് വിക്കറ്റ് വീഴ്ത്തിയ കെയ്ല്‍ ജമൈസനാണ് ഇന്ത്യയെ എറിഞ്ഞിട്ടത്. പൃഥ്വി ഷാ(54), ചേതേശ്വര്‍ പൂജാര(54), ഹനുമ വിഹാരി(55) എന്നിവര്‍ അര്‍ധ സെഞ്ച്വറി നേടി.