ഐപിഎലിൽ ഇന്നലെ നടന്ന മത്സരത്തിൽ ലക്നൗ സൂപ്പർ ജയ്ൻറ്റ്സ് മുംബൈ ഇന്ത്യൻസിനോട് 6 വിക്കറ്റുകൾക്ക് പരാജയപെട്ടു. ഇതോടെ ലക്നൗ ടൂർണമെന്റിൽ നിന്നും പുറത്തായി. ആദ്യം ബാറ്റ് ചെയ്ത ലക്നൗ മിച്ചൽ മാർഷിന്റെയും(44) നിക്കോളാസ് പൂരന്റെയും(63) മികവിൽ 228 റൺസ് നേടിയിരുന്നു.
മികച്ച ബാറ്റിംഗ് പ്രകടനവുമായി മുംബൈ താരങ്ങളായ രോഹിത് ശർമയും(84) റയാൻ റിക്കിൽട്ടണും(83) കളം നിറഞ്ഞതോടെ ലക്നൗവിന്റെ കൈയിൽ നിന്ന് മത്സരം കൈവിട്ട് പോകുകയായിരുന്നു. ഇപ്പോഴിതാ മത്സരശേഷം ലക്നൗ നായകൻ ഋഷഭ് പന്ത് സംസാരിച്ചിരിക്കുകയാണ്.
‘ 228 റൺസ് ഒരു വലിയ സ്കോർ അല്ല. ഞങ്ങൾക്ക് അത് ഡിഫൻഡ് ചെയ്യാൻ ബുദ്ധിമുട്ടാണ്. മികച്ച തുടക്കമാണ് ഞങ്ങൾക്ക് ലഭിച്ചത് എന്നാൽ ഒരു 20 അല്ലെങ്കിൽ 30 റൺസ് അധികം നേടാമായിരുന്നു. 250- 260 ആണ് ഞങ്ങൾ പ്രതീക്ഷിച്ചത്. മുംബൈ ബോളർമാർ അവസാനം മികച്ച പ്രകടനം നടത്തി’ ഋഷഭ് പന്ത് പറഞ്ഞു.