യു.എ.ഇയിലെ വിദ്യാലയങ്ങളില് ഇന്ന് മുതല് മധ്യവേനല് അവധി ആരംഭിക്കും. രണ്ടുമാസത്തെ മധ്യവേനലവധിക്കുശേഷം ആഗസ്റ്റ് 30നാവും സ്കൂളുകള് തുറക്കുക. കോവിസിനെ തുടര്ന്ന് മൂന്നു മാസത്തിലേറെയായി വിദ്യാലയങ്ങള് അടഞ്ഞുകിടക്കുകയാണങ്കിലും ഓൺലൈൻ പഠനം നടക്കുന്നുണ്ടായിരുന്നു.
അവധിക്കാലങ്ങളില് ഓണ്ലൈനില് പഠന-പാഠ്യേതര പ്രവര്ത്തനങ്ങളുമുണ്ടാകും. കോവിഡിനെ അതിജീവിച്ച് മധ്യവേനലവധിക്കുശേഷം സ്കൂളുകളില് സാധാരണ അധ്യയനം ആരംഭിക്കാന് കഴിയുമെന്ന പ്രതീക്ഷയിലാണ് വിദ്യാഭ്യാസ മന്ത്രാലയങ്ങളും സ്കൂളധികൃതരും.
ഏഷ്യന് പാഠ്യപദ്ധതിപ്രകാരമുള്ള സ്കൂളുകള്ക്ക് ആഗസ്റ്റ് 30 രണ്ടാം പാദത്തിൻ്റെ ആരംഭവും യു.എ.ഇ പാഠ്യപദ്ധതിക്കു കീഴിലെ സ്കൂളുകള്ക്കും ഏഷ്യന് ഇതരപാഠ്യപദ്ധതിയിലെ സ്കൂളുകള്ക്കും പുതിയ അധ്യയനവര്ഷത്തിൻ്റെ ആരംഭവുമാണ്.