യു എ ഇയില്‍ കത്തി പോലെയുള്ള മൂര്‍ച്ചയുള്ള ആയുധങ്ങള്‍ കൊണ്ടു വരുന്നവര്‍ക്ക് വന്‍ തുക പിഴ. ദുബായ് പൊലീസാണ് ഇതു സംബന്ധിച്ച് മുന്നറിയിപ്പ് നല്‍കിയത്. കത്തിയും വാളും ബാറ്റണും പോലെയുള്ള ആയുധങ്ങള്‍ കൊണ്ടു വരുന്നവര്‍ക്കു എതിരെയാണ് നടപടി. 30,000 ദിര്‍ഹം വരെ പിഴ ലഭിക്കാമെന്ന ശിക്ഷയാണിത്. ഇതു കൂടാതെ ഇത്തരം ആയുധങ്ങള്‍ കൊണ്ടുവരുന്നതിനു പിടിലാകുന്നവര്‍ക്ക് മൂന്നുമാസത്തേക്ക് ജയില്‍ ശിക്ഷ നല്‍കുമെന്നു ദുബായ് പൊലീസ് അറിയിച്ചു.
ദുബായ് പൊലീസിന്റെ ഫേസ്ബുക്ക് പേജിലാണ് ഇതു സംബന്ധിച്ച വിവരമുള്ളത്. കായിക പ്രേമികള്‍ കത്തി പോലെയുള്ള മൂര്‍ച്ചയുള്ള ആയുധങ്ങള്‍ സ്റ്റേഡിയങ്ങളിലേയ്ക്ക് കൊണ്ടു വരാന്‍ പാടില്ലെന്നു പൊലീസ് വ്യക്തമാക്കി.