വന്ദേഭാരത് മിഷന് വിമാന സര്വീസുകളുടെ നിരക്ക് ഇരട്ടിയാക്കി വര്ധിപ്പിച്ചത് തീവെട്ടിക്കൊള്ളയാണെന്ന് കെ.എം.സി.സി അല്ഖബാര് സെന്ട്രല് കമ്മിറ്റി. ഇത്തരം പ്രവാസി വിരുദ്ധ നിലപാടില് നിന്ന് കേന്ദ്ര സര്ക്കാരും പ്രവാസികള്ക്ക് സംരക്ഷണം നല്കാന് ബാധ്യതയുള്ള ഇന്ത്യന് എംബസിയും പിന്തിരിയണമെന്നും കെ.എം.സി.സി പറഞ്ഞു.
ആവശ്യങ്ങള്ക്ക് യാത്ര നാട്ടിലേക്ക് യാത്ര പോകേണ്ട പ്രവാസികള്ക്ക് യാത്ര അസാധ്യമായതിനാല് പരിഹാരം കാണാന് കേരള ഗവണ്മെന്റ് കേന്ദ്രസര്ക്കാറില് സമ്മര്ദ്ദം ചെലുത്തണം. നാട്ടിലെത്തിക്കാന് നോര്ക്ക അടക്കം ചാര്ട്ടേഡ് വിമാനങ്ങള് ഉടന് ആരംഭിക്കണം. അല്ലാത്ത പക്ഷം പ്രവാസി വിരുദ്ധ കേന്ദ്ര സംസ്ഥാന സര്ക്കാരുകള് ക്കെതിരെ നാട്ടിലുള്ള കുടുംബങ്ങളെ അണിനിരത്തി ശക്തമായ പ്രക്ഷോഭ പരിപാടികള് സംഘടപ്പിക്കുമെന്നും കെഎംസിസി ഭാരവാഹികള് പ്രതികരിച്ചു.
കേന്ദ്ര സര്ക്കാറിന്റെ പുതിയ ഉത്തരവിന്റെ അടിസ്ഥാനത്തിലാണ് നിരക്ക് വര്ധിപ്പിച്ചതെന്നാണ് സൗദിയിലെ എയര് ഇന്ത്യ അധികൃതര് നല്കുന്ന വിശദീകരണം. നിരക്ക് വര്ധിപ്പിക്കുന്നതോടെ 950 റിയാല് ഏകദേശം 18760 രൂപ ഈടാക്കിയ ദമ്മാം കൊച്ചി സര്വീസിന് ഇനിമുതല് 1703 റിയാല് ഏകദേശം 33635 രൂപ നല്കണം. സൗദിയിലെ മറ്റ് വിമാനത്താവളങ്ങളില് നിന്നുള്ള സര്വീസുകള്ക്കും ഇതേ രീതിയില് വര്ധിച്ച നിരക്ക് തന്നെയാണ് ഈടാക്കുന്നത്.