പ്രവാസി മലയാളി സൗദി അറേബ്യയില് ഉറുമ്പ് കടിയേറ്റു മരിച്ചു. റിയാദ് ബഗ്ലഫില് മിഠായി കട നടത്തുന്ന കൊല്ലം കരുനാഗപ്പള്ളി കോഴിക്കോട് സ്വദേശി പള്ളിയുടെമകത്തില് എം. നിസാമുദ്ദീന് (45) ആണ് വലിയ കറുത്ത ഉറുമ്പിന്റെ കടിയേറ്റ് മരിച്ചത്.
ബുധനാഴ്ച പുലര്ച്ചെ നാലു മണിയോടെ റിയാദ് ഖുറൈസ് റോഡിലെ സുലൈമാന് അല്ഹബീബ് ആശുപത്രിയിലായിരുന്നു മരണം. പുലര്ച്ചെ ഫ്ളാറ്റില് നിന്നാണ് നിസാമുദ്ദീന് ഉറുമ്പ് കടിയേറ്റത്. അലര്ജിയുടെ പ്രശ്നം കൂടിയുള്ളതിനാല് ഉറുമ്പ്് കടിയേറ്റ ഉടനെ നിസാമുദ്ദീന് ശ്വാസംമുട്ടുണ്ടാവുകയും കുഴഞ്ഞു വീഴുകയുമായിരുന്നു.
ആശുപത്രിയിലെത്തിച്ച് ചികിത്സ നടത്തുന്നതിനിടെ ഹൃദയാഘാതമുണ്ടായതിനെ തുടർന്നാണ് മരണം. 24 വര്ഷമായി റിയാദിലായിരുന്നു നിസാമുദ്ദീന്. കഴിഞ്ഞ വര്ഷവും സൗദിയില് രണ്ടു മലയാളികള് ഉറുമ്പ് കടിയേറ്റ് മരിച്ചിരുന്നു. ചികിത്സ വൈകിയത് കാരണമായിരുന്നു, മരണം.