തന്റെ പേരില്‍ പ്രചരിക്കുന്ന സൗകാര്യ വീഡിയോ വ്യാജമാണെന്ന് നടി മീര ചോപ്ര. വീഡിയോ പ്രചരിപ്പിച്ചവര്‍ക്കെതിരെ നടി നിയമനടപടിയും സ്വീകരിച്ചിട്ടുണ്ട്. നടിയുടെ പരാതിയിയെ തുടര്‍ന്ന് പൊലീസ് അന്വേഷണം ആരംഭിച്ചു. നിലവില്‍ സോഷ്യല്‍ മീഡിയയില്‍ പ്രചരിച്ച വീഡിയോകള്‍ നീക്കം ചെയ്തിട്ടുണ്ട്.
വീഡിയോ ആദ്യം അപ്‌ലോഡ് ചെയ്തത് ആരാണെന്ന് കണ്ടുപിടിക്കാനുള്ള തീവ്രശ്രമത്തിലാണ് നടി ഇപ്പോള്‍. അതേസമയം, തമിഴ്, തെലുങ്ക്, ഹിന്ദി ഭാഷകളില്‍ അഭിനയിച്ചിട്ടുള്ള മീര ചോപ്ര മോഡല്‍ ആയും തിളങ്ങിയിട്ടുണ്ട്. പ്രിയങ്ക ചോപ്ര, പരിനീതി ചോപ്ര എന്നീ താരങ്ങളുടെ ബന്ധു കൂടിയാണ് മീര.
അന്‍പേ ആരുയിരേ എന്ന തമിഴ് ചിത്രത്തിലൂടെ 2005ല്‍ ആണ് അഭിനയരംഗത്തേക്ക് എത്തുന്നത്. പിന്നാലെ ഭങ്കാരം എന്ന ചിത്രത്തിലൂടെ തെലുങ്കിലും എത്തി. ഗ്യാങ് ഓഫ് ഗോസ്റ്റ്‌സ് എന്ന ചിത്രത്തിലൂടെയാണ് ഹിന്ദിയില്‍ അരങ്ങേറ്റം കുറിക്കുന്നത്. സേഫ്ഡ് എന്ന ചിത്രമാണ് നടിയുടെതായി ഒടുവില്‍ റിലീസ് ചെയ്തത്.
