ഉക്രൈനിലെ റഷ്യന് അധിനിവേശത്തെ തുടര്ന്ന് നിരവധി ഹൃദയഭേദകമായ ദൃശ്യങ്ങള് സാമൂഹ്യ മാധ്യമങ്ങളില് പ്രചരിച്ചിരുന്നു. അത്തരത്തില് ഒരു ഒമ്പതുവയസുകാരിയുടെ വികാരഭരിതമായ കത്താണ് ഇപ്പോള് വൈറലാകുന്നത്.
മാര്ച്ച് 8ന് അമ്മയ്ക്കുള്ള സമ്മാനമായാണ് പെണ്കുട്ടി കത്തെഴുതിയത്. അമ്മയെ ഒരിക്കലും മറക്കില്ല. സ്വര്ഗത്തില് എത്തിക്കാണുമെന്ന കരുതുന്നു. താന് നല്ല വ്യക്തിയാകാന് ശ്രമിക്കുമെന്നും നമുക്ക് സ്വര്ഗത്തില് വെച്ച് കണ്ടുമുട്ടാമെന്നും കത്തിലൂടെ കുട്ടി അമ്മയോട് പറയുന്നു.
തന്റെ ജീവിതത്തിലെ മികച്ച ഒമ്പത് വര്ഷങ്ങള്ക്ക് അമ്മയോടുള്ള നന്ദിയും ഉക്രൈനിയന് ബാലിക കത്തില് സൂചിപ്പിച്ചിട്ടുണ്ട്.
ബോറോജങ്കയില് മരിച്ച ഒരു അമ്മയ്ക്ക് ഒമ്പതുവയസുകാരിയായ മകള് എഴുതിയ കത്താണിതെന്ന അടിക്കുറിപ്പോടു കൂടി ഉക്രൈന് ആഭ്യന്തരമന്ത്രിയുടെ ഉപദേഷ്ടാവ് ആന്റണ് ഗെരാഷ്ചെങ്കോയാണ് ഈ കത്ത് ട്വിറ്ററിലൂടെ പങ്കുവെച്ചത്.