ചൈനീസ് ഉടമസ്ഥതയിൽ നിന്ന് സ്വയം അകന്നുനിൽക്കാനുള്ള തന്ത്രത്തിന്റെ ഭാഗമായി ലണ്ടനിൽ ആസ്ഥാനം കണ്ടെത്തുന്നതിന്റെ ഭാഗമായി ടിക്ക് ടോക്ക് കഴിഞ്ഞ കുറച്ച് മാസങ്ങളായി യു.കെ സർക്കാരുമായി ചർച്ച നടത്തിവരികയാണെന്ന് റിപ്പോർട്ട്.
കമ്പനി പരിഗണിക്കുന്ന നിരവധി സ്ഥലങ്ങളിൽ ഒന്നാണ് ലണ്ടൻ, എന്നാൽ തീരുമാനങ്ങളൊന്നും അന്തിമമായിട്ടില്ല. പരിഗണനയിലുള്ള മറ്റ് സ്ഥലങ്ങൾ ഏതാണെന്നും വ്യക്തമല്ല. യു.എസ് പൗരനും മുൻ വാൾട്ട് ഡിസ്നി കോ എക്സിക്യൂട്ടീവും ആയിരുന്ന കെവിൻ മേയറെ ടിക്ക് ടോക്കിന്റെ ചീഫ് എക്സിക്യൂട്ടീവ് ആയി നിയമിക്കുന്നത് ഉൾപ്പെടെ ഈ വർഷം ടിക് ടോക് നിരവധി നിയമനങ്ങൾ നടത്തി.
ഉപയോക്തൃ ഡാറ്റ കൈമാറാൻ ചൈന കമ്പനിയെ നിർബന്ധിതരാക്കുമെന്ന സംശയത്തെത്തുടർന്ന് ടിക് ടോക്ക് വാഷിംഗ്ടണിൽ കടുത്ത പരിശോധന നേരിടുന്നുണ്ട്. ചൈന ആസ്ഥാനമായുള്ള ബൈറ്റ്ഡാൻസിന്റെ ഉടമസ്ഥതയിലുള്ളതാണ് ടിക്ക് ടോക്ക്.
കഴിഞ്ഞ ഏതാനും ആഴ്ചകളായി അമേരിക്കയിലെ പ്രശ്നങ്ങളിൽ കമ്പനി പ്രധാനമായും ശ്രദ്ധ കേന്ദ്രീകരിച്ചിട്ടുണ്ടെങ്കിലും ലണ്ടനെ പുതിയ ആസ്ഥാനമാക്കാൻ സാധ്യതയുള്ള സ്ഥലമായി തള്ളിക്കളഞ്ഞിട്ടില്ലെന്നും വൃത്തങ്ങൾ പറഞ്ഞു.
അടുത്ത നിരവധി വർഷങ്ങളിൽ ലണ്ടനിലും ചൈനയ്ക്ക് പുറത്തുള്ള മറ്റ് പ്രധാന സ്ഥലങ്ങളിലുമുള്ള ടിക് ടോക്കിന്റെ തൊഴിലാളികളുടെ എണ്ണം ഗണ്യമായി വർദ്ധിപ്പിക്കുമെന്ന് പ്രതീക്ഷിക്കുന്നതായും വൃത്തങ്ങൾ പറഞ്ഞു.
ചൈനയുമായുള്ള അതിർത്തി സംഘർഷത്തിന്റെ പേരിൽ കേന്ദ്ര സർക്കാർ ഇന്ത്യയിൽ ടിക് ടോക് നിരോധിച്ചിരുന്നു.