ജനസംഖ്യ നിയന്ത്രണവുമായി ബന്ധപ്പെട്ട പാക് പ്രതിരോധമന്ത്രി ഖ്വാജ മുഹമ്മദ് ആസിഫിന്റെ പരാമര്ശം സോഷ്യല് മീഡിയയില് പരിഹാസം ഏറ്റുവാങ്ങുന്നു. രാത്രി എട്ടു മണിക്ക് മാര്ക്കറ്റുകള് അടയ്ക്കുന്നിടത്തെല്ലാം ജനന നിരക്ക് കുറവാണെന്ന മന്ത്രിയുടെ പരാമര്ശമാണ് പരിഹസിക്കപ്പെടുന്നത്.
ഇസ്ലാമാബാദില് നടത്തിയ വാര്ത്താ സമ്മേളനത്തിലായിരുന്നു ജനസംഖ്യപെരുപ്പം എങ്ങനെ കൈകാര്യം ചെയ്യണം എന്നത് സംബന്ധിച്ചുള്ള മന്ത്രിയുടെ വാക്കുകള്. ഖ്വാജ മുഹമ്മദ് ആസിഫിന്റെ വാക്കുകള് സോഷ്യല് മീഡിയയില് വേഗത്തില് വൈറലായി.
‘പുതിയ കണ്ടുപിടിത്തം വന്നു, രാത്രി എട്ടിനുശേഷം കുഞ്ഞുങ്ങള് ഉണ്ടാകില്ല. ഈ സമയത്തു മാര്ക്കറ്റുകള് അടയ്ക്കുന്ന രാജ്യങ്ങളില് ജനസംഖ്യാപെരുപ്പം കുറയും, എന്നിങ്ങനെയുള്ള പരിഹാസങ്ങളാണ് മന്ത്രിയ്ക്കെതിരെ ഉയരുന്നത്.