ജമ്മു കശ്മീരില് ഭീകരരുടെ വെടിവെയ്പ്പില് രണ്ട് അതിഥി തൊഴിലാളികള്ക്ക് പരിക്ക്. ജമ്മു കശ്മീരിലെ ബഡ്ഗാവില് നടന്ന വെടിവെയ്പ്പിലാണ് അതിഥി തൊഴിലാളികള്ക്ക് പരിക്കേറ്റത്. ഉത്തര്പ്രദേശ് സ്വദേശികളായ സോഫിയാന്, ഉസ്മാന് മാലിക് എന്നിവര്ക്കാണ് സംഭവത്തില് പരിക്കേറ്റതെന്ന് പൊലീസ് അറിയിച്ചു.
ഇരുവരും ഉത്തര്പ്രദേശ് സഹരണ്പൂര് നിവാസികളാണ്. ജല് ശക്തി വകുപ്പിലെ ദിവസ വേതനക്കാരാണ് ഇരുവരും. വെടിയേറ്റതിന് പിന്നാലെ ഇരുവരെയും ശ്രീനഗറിലെ ജെവിസി ആശുപത്രിയില് പ്രവേശിപ്പിച്ചു. ഇരുവരും അപകടനില തരണം ചെയ്തതായി ആശുപത്രി അധികൃതര് വ്യക്തമാക്കി.
കാശ്മീരില് അതിഥി തൊഴിലാളികള് നേരെ നേരത്തെയും ആക്രമണമുണ്ടായിരുന്നു. രണ്ടാഴ്ചയ്ക്കിടെ അതിഥി തൊഴിലാളികള്ക്ക് നേരെയുണ്ടാകുന്ന നാലാമത്തെ ആക്രമണമാണിതെന്നാണ് വിവരം. സംഭവത്തിന് പിന്നാലെ സുരക്ഷ സേന പ്രദേശത്ത് ഭീകരര്ക്കായുള്ള തിരച്ചില് ആരംഭിച്ചിട്ടുണ്ട്. നേരത്തെ ഒക്ടോബര് 20നും ആക്രമണമുണ്ടായിരുന്നു.