നടന് സല്മാന് ഖാന് പുതിയ വധ ഭീഷണി. മുംബൈ ട്രാഫിക് പൊലീസിനാണ് ഭീഷണി സന്ദേശം ലഭിച്ചത്. കുപ്രസിദ്ധ ഗുണ്ടാനേതാവ് ലോറന്സ് ബിഷ്ണോയിയുടെ സംഘാംഗം എന്നവകാശപ്പെട്ടയാൾ അഞ്ചു കോടി രൂപ നല്കിയാല് ബിഷ്ണോയിക്ക് സല്മാനുമായുള്ള ശത്രുത അവസാനിപ്പിക്കാമെന്ന ഉപാധിയാണ് വെച്ചിരിക്കുന്നത്.
വാട്സാപ്പ് സന്ദേശമാണ് പോലീസിന് ലഭിച്ചത്. ‘ഇതൊന്നും നിസാരമായി കാണരുത്. ലോറന്സ് ബിഷ്ണോയിയുമായുള്ള ശത്രുത അവസാനിപ്പിക്കാനും ജീവനോടെ തുടരാനും സല്മാന് ഖാന് 5 കോടി രൂപ നല്കണം. പണം നല്കിയില്ലെങ്കില് ബാബ സിദ്ദിഖിയുടെ അവസ്ഥയേക്കാള് മോശമാകും’ മുംബൈ ട്രാഫിക് പൊലീസിന് ലഭിച്ച ഭീഷണി സന്ദേശത്തില് വ്യക്തമാക്കുന്നു.
സല്മാന് ഖാന്റെ കണ്ണുകളില് ഭയം നിറച്ച അധോലോക രാജകുമാരന്; ദാവൂദ് ഇബ്രാഹിമിനെ പരസ്യമായി വെല്ലുവിളിച്ച ലോറന്സ് ബിഷ്ണോയ് ആരാണ്?
മഹാരാഷ്ട്ര മുന് മന്ത്രിയും എന്സിപി നേതാവുമായ ബാബ സിദ്ധിഖിയെ കൊലപ്പെടുത്തിയത് ബിഷ്ണോയിയുടെ സംഘത്തില്പ്പെട്ടവരാണ്. ബാബ സിദ്ദിഖിയുടെ കൊലപാതകത്തിന് പിന്നാലെ മുംബൈ പൊലീസ് സല്മാന് ഖാന്റെ സുരക്ഷ വര്ദ്ധിപ്പിച്ചിരുന്നു. കൃഷ്ണ മൃഗത്തെ വേട്ടയാടി എന്ന കാരണത്താൽ ലോറന്സ് ബിഷ്ണോയി സംഘത്തിന്റെ പ്രധാന നോട്ടപ്പുള്ളിയാണ് സല്മാന് ഖാന്.