രാജ്യസഭാ തിരഞ്ഞെടുപ്പിന്റെ വോട്ടെടുപ്പ് പൂര്ത്തിയായി. നാലു സംസ്ഥാനങ്ങളിലെ 16 രാജ്യസഭാ സീറ്റുകളിലേക്കാണ് വോട്ടെടുപ്പ് നടന്നത്. ഇതില് നാല് സീറ്റുകളിലാണ് അപ്രവചനീയമായ പോരാട്ടം നടക്കുന്നത്. രാജസ്ഥാന്, ഹരിയാന, മഹാരാഷ്ട്ര, കര്ണാടക എന്നീ സംസ്ഥാനങ്ങളിലെ നാലു സീറ്റുകളിലാണ് അപ്രവചനീയമായ പോരാട്ടം നടക്കുന്നത്.
ഒഴിവുവന്ന 57 സീറ്റുകളില് മുന് കേന്ദ്രമന്ത്രിമാരായ പി. ചിദംബരം ഉള്പ്പെടെ 41 പേര് എതിരില്ലാതെ തിരഞ്ഞെടുക്കപ്പെട്ടിരുന്നു. കര്ണാടകയില് ജെഡിഎസ് എംഎല്എ കോണ്ഗ്രസിന് വോട്ടുചെയ്തു. ജെഡിഎസിന്റെ മറ്റൊരു എംഎല്എയായ എസ്.ആര് ശ്രീനിവാസ് ആര്ക്കും വോട്ടുചെയ്യാതെ അസാധുവാക്കി.
ആറ് രാജ്യസഭാ സീറ്റുകളിലേക്ക് തിരഞ്ഞെടുപ്പ് നടന്ന മഹാരാഷ്ട്രയില് വോട്ടെണ്ണല് വൈകുകയാണ്. കേന്ദ്ര തെരഞ്ഞെടുപ്പ് കമ്മീഷന്റെ അനുമതി ലഭിക്കാത്തതിനെ തുടര്ന്നാണ് വോട്ടെണ്ണല് ആരംഭിക്കാത്തതെന്നാണ് സൂചന.