ഒളിമ്പ്യൻ മനു ഭാക്കറിൻ്റെ കുടുംബം സഞ്ചരിച്ച വാഹനം അപകടത്തിൽപ്പെട്ടു. മനു ഭാക്കറിൻ്റെ മുത്തശ്ശിയും അമ്മാവനും
അപകടത്തിൽ മരിച്ചു. ഹരിയാനയിലെ ദാദ്രിയിൽ വെച്ചാണ് അപകടമുണ്ടായത്. ഇരുവരും സഞ്ചരിച്ച ബൈക്ക് കാറുമായി കൂട്ടിയിടിക്കുകയായിരുന്നു.
ഇരുവരും സംഭവസ്ഥലത്ത് തന്നെ മരിച്ചതായാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. കാറിന്റെ ഡ്രൈവർ സംഭവസ്ഥലത്ത് നിന്ന് ഓടി രക്ഷപ്പെട്ടു. അപകടത്തെ കുറിച്ച് മനു ഭാക്കറിൻ്റെ കുടുംബത്തിൻ്റെ ഭാഗത്ത് നിന്ന് പ്രതികരണങ്ങളൊന്നും ഉണ്ടായിട്ടില്ല.
പാരിസ് ഒളിമ്പിക്സിൽ രണ്ട് മെഡലുകൾ നേടി ചരിത്രം സൃഷ്ടിച്ച താരമാണ് മനു ഭാക്കർ. വെള്ളിയാഴ്ചയാണ് മനു ഖേൽരത്ന പുരസ്കാരം ഏറ്റുവാങ്ങിയത്.