സാമൂഹ്യ മാധ്യമങ്ങളില് വൈറലായ ഡാന്സ് വീഡിയോ എക്സില് പങ്കുവച്ച് പ്രധാനമന്ത്രി നരേന്ദ്ര മോദി. എഐ ഉപയോഗിച്ച് തയ്യാറാക്കിയ ആനിമേറ്റഡ് വീഡിയോ ആണ് മോദി പങ്കുവച്ചത്. ഞാന് നൃത്തം ചെയ്യുന്ന വീഡിയോ നിങ്ങളെ പോലെ ഞാനും ആസ്വദിച്ചു എന്ന അടിക്കുറിപ്പോടെയാണ് പ്രധാനമന്ത്രി വീഡിയോ പങ്കുവച്ചത്.
തിരഞ്ഞെടുപ്പ് കാലത്തെ ഇത്തരം സര്ഗ്ഗാത്മകത സന്തോഷം നല്കുന്നുവെന്നും മോദി കൂട്ടിച്ചേര്ത്തു. കൃഷ്ണ എന്ന പേരിലുള്ള ഒരു എക്സ് പേജിലാണ് വീഡിയോ പോസ്റ്റ് ചെയ്തിരിക്കുന്നത്. ദി ഡിക്ടേറ്റര് എന്നെ ഇതിന്റെ പേരില് അറസ്റ്റ് ചെയ്യാന് പോകുന്നില്ലെന്ന അടിക്കുറിപ്പോടെയാണ് പേജില് വീഡിയോ പോസ്റ്റ് ചെയ്തിട്ടുള്ളത്.
നേരത്തെ പശ്ചിമ ബംഗാള് മുഖ്യമന്ത്രി മമതാ ബാനര്ജിയുടെ ഇത്തരത്തിലുള്ള ഒരു ഡാന്സ് വീഡിയോ പുറത്ത് വന്നിരുന്നു. സംഭവത്തിന് പിന്നാലെ കൊല്ക്കത്ത പൊലീസ് ഇതിനെതിരെ കേസെടുത്തിരുന്നു. മോദി വീഡിയോ പങ്കുവച്ചത് ഈ പശ്ചാത്തലത്തില് ഏറെ ശ്രദ്ധ നേടുന്നുണ്ട്. നിരവധി പേര് വീഡിയോയ്ക്ക് കമന്റുമായി രംഗത്തെത്തിയിട്ടുണ്ട്.