ഹിന്ദുമതം ഇന്ത്യയുടെ മാത്രമല്ല ലോകത്തിന്റെ തന്നെ ശാപമാണെന്ന ഡി എം കെ നേതാവും മുന് കേന്ദ്ര മന്ത്രിയുമായ എ രാജയുടെ പരാമര്ശം തമിഴ്നാട്ടില് വീണ്ടും വിവാദമാകുന്നു. ബി ജെ പി സംസ്ഥാന പ്രസിഡന്റ് അണ്ണാമലൈ പങ്കുവച്ച ഒരു വീഡിയോ ക്ളിപ്പിലാണ് എ രാജയുടേതായി ഈ പരാമര്ശം ഉള്ളത്. ഇതോടെ ഉദയനിധി സ്റ്റാലിന്റെ പ്രസ്താവനക്ക് ശേഷം അല്പ്പം ഒന്നടങ്ങി നിന്ന വിവാദം വീണ്ടും ചൂടുപിടിക്കുകയാണ്.
ജാതിയുടെ പേരിലുള്ള രോഗം ആഗോള തലത്തില് പകരാന് കാരണം ഇന്ത്യയാണ്, ജനങ്ങളെ ജാതിയുടെ പേരില് വിഭജിക്കുന്നു, ജാതി ഉപയോഗിച്ച് ആളുകളെ സാമ്പത്തികമായി വിഭജിക്കുന്നു, ജാതിയെ സാമൂഹിക തിന്മയ്ക്ക് മാത്രം ഉപയോഗിക്കാനാവില്ല, അത് സാമ്പത്തികത്തെയും ആശ്രയിച്ചിരിക്കുന്നു. മറ്റ് രാജ്യങ്ങളില് താമസിക്കുന്ന ഇന്ത്യക്കാരും. ഹിന്ദു മതത്തിന്റെ പേരില് ജാതി പ്രചരിപ്പിക്കുകയാണ് അതിനാല്, ഹിന്ദു മതം ഇന്ത്യയിലെ മാത്രമല്ല, ഇപ്പോള് ലോകത്തിനാകെ ഭീഷണിയാണ്, എന്നാണ് എ രാജ വീഡിയോയില് പറയുന്നത്.
തന്റെ ട്വിറ്ററിലൂടെയാണ് എ രാജയുടെ വീഡിയോ ക്ളിപ്പിംഗ് അണ്ണാമലൈ പുറത്ത് വിട്ടത്്. സനാതര ധര്മ്മം ഡംഗി പനി പോലെയും മലേറിയ പോലെയും തുടച്ച് നീക്കേണ്ട ഒന്നാണ് എന്ന ഉദയനിധി സ്റ്റാലിന്റെ പ്രസ്താവനക്ക് ശേഷം രാജയുടെ ഈ പ്രസ്താവനയും ബി ജെപി രാഷ്ട്രീയമായി തമിഴ്നാട്ടില് ഉപയോഗിക്കുകയാണ്.