കാട്ടിലേക്കു തിരികെ പോകാനായി മതില്‍ ചാടാന്‍ ശ്രമിക്കുന്ന ആനക്കൂട്ടത്തിന്റെ വീഡിയോ വൈറലാകുന്നു. കര്‍ണാടകയിലാണ് സംഭവം. ഐഎഫ്എസ് ഓഫീസര്‍ പര്‍വീണ്‍ കസ്വാന്‍ ആണ് വീഡിയോ ഷെയര്‍ ചെയ്തത്.
“”ആന മതില്‍ ചാടുന്നത് എപ്പോഴെങ്കിലും കണ്ടിട്ടുണ്ടോ? പക്ഷേ ഒരു വഴിയും ഇല്ലാതാകുമ്പോള്‍ അങ്ങനെ ചെയ്യേണ്ടിവരും. ഹൊസൂരില്‍ നിന്നുള്ള ഈ പഴയ വീഡിയോ നിങ്ങളെ അത് മനസ്സിലാക്കി തരും””, എന്ന അടിക്കുറിപ്പോടെയാണ് വീഡിയോ ഷെയര്‍ ചെയ്തത്.
കുട്ടിയാനയെ വലിയ ആനകളിലൊരാള്‍ മതില്‍ ചാടാന്‍ സഹായിക്കുന്നതും വീഡിയോയില്‍ കാണാം. മനുഷ്യന്‍ തന്നെയാണ് ഇവരുടെ നിസ്സഹായാവസ്ഥക്ക് ഉത്തരവാദി എന്ന് വീഡിയോയ്ക്കു താഴെ ചിലര്‍ കമന്റ് ചെയ്യുന്നുണ്ട്.