ഡൽഹി ചെങ്കോട്ടയിലെ സ്ഫോടന കേസിൽ അന്വേഷണ സംഘത്തെ രൂപീകരിച്ച് എൻഐഎ. 10 അംഗ സംഘത്തെയാണ് രൂപീകരിച്ചത്. എൻഐഎ ADG വിജയ് സാക്കറെ സംഘത്തെ നയിക്കും. ഐജി, രണ്ട് ഡിഐജിമാർ, മൂന്ന് എസ്പിമാർ, ഡിവൈഎസ്പിമാർ എന്നിവരടങ്ങുന്നതാണ് സംഘം.
അതേസമയം കേസ് ചർച്ച ചെയ്യാൻ എൻഐഎ ഡിജിയും ഐബി മേധാവിയും ഇന്ന് യോഗം ചേരും. ഡൽഹി, ജമ്മു കശ്മീർ പോലീസ് കേസ് ഫയൽ എൻഐഎയ്ക്ക് കൈമാറും. അതിനിടെ വൈറ്റ് കൊളർ സംഘം ഡൽഹിയിൽ നിന്നും 2 കാറുകൾ വാങ്ങിയതായി കണ്ടെത്തിയിട്ടുണ്ട്. രണ്ടാമത്തെ കാറിനായി അന്വേഷണം തുടരുകയാണ്. കാർ കണ്ടെത്താൻ പ്രത്യേക സംഘത്തെ നിയോഗിച്ചു.
കേസിൽ അറസ്റ്റിലായവരുടെയും കസ്റ്റഡിയിലെടുത്തവരുടെയും കോൾ ലോഗുകൾ, ആധാർ കാർഡ്, ഡ്രൈവിംഗ് ലൈസൻസുകൾ എന്നിവ പരിശോധിച്ച് വരികയാണ്. വൈറ്റ് കോളർ ഭീകര ശൃംഖലയുമായി ബന്ധപ്പെട്ട് ഹരിയാനയിൽ മതപ്രഭാഷകനെ ജമ്മു കശ്മീർ പൊലീസ് അറസ്റ്റ് ചെയ്തു. മേവാത്ത് മേഖലയിൽ നിന്നുള്ള മൗലവി ഇഷ്തിയാഖ് എന്നയാളെയാണ് പിടികൂടിയത്. ചോദ്യം ചെയ്യലിനായി ശ്രീനഗറിലേക്ക് കൊണ്ട് പോയി.