ഡൽഹി ഇ.ഡി ഓഫിസിലേയ്ക്ക് കോൺഗ്രസ് നടത്തിയ മാർച്ചിനിടെ സംഘർഷം. എഐസിസി ഓഫീസിനു മുന്നിൽ പ്രവർത്തകരെ തടയാൻ പൊലീസ് സ്ഥാപിച്ച ബാരിക്കേഡുകൾ മറിച്ചിട്ടും മുകളിലൂടെ കടന്നും മാർച്ച് തുടരാൻ ശ്രമിക്കുന്നതിനിടെയാണ് സംഘർഷമുണ്ടായത്. സംഘർഷത്തെ തുടർന്ന് എല്ലാ എം. പി മാരെയും പൊലീസ് അറസ്റ്റ് ചെയ്യ്തു.
രാഹുൽ ഗാന്ധിയെ അഞ്ചാം ദിവസവും ചോദ്യം ചെയ്യുന്ന ഇഡി നടപടിക്കെതിരെ രൂക്ഷ വിമർശനമുയർത്തിയാണ് കോൺഗ്രസ് പ്രതിഷേധം. അൻപത് മണിക്കൂറോളമെടുത്തിട്ടും ഇ.ഡിയുടെ ചോദ്യങ്ങൾ അവസാനിക്കാത്തത് എന്തുകൊണ്ടാണെന്നും കോൺഗ്രസ് പ്രവർത്തകർ ചോദിച്ചു.
ഇ.ഡി നടപടിയിൽ കോൺഗ്രസ് കടുത്ത അമർഷത്തിലാണ്. അഭിഭാഷക ജീവിതത്തില് ഇതുവരെയും ഇത്രയും നീണ്ട ചോദ്യം ചെയ്യല് കണ്ടിട്ടില്ലെന്നാണ് പാര്ട്ടി കേസുകള് കൈകാര്യം ചെയ്യുന്ന മുതിര്ന്ന നേതാവ് മനു അഭിഷേക് സിംഗ് വ്യക്തമാക്കിയത്.