ഉത്തർപ്രദേശ് മുഖ്യമന്ത്രി യോഗി ആദിത്യനാഥിനും ഉപമുഖ്യമന്ത്രിക്കുമെതിരെ ഇന്ത്യൻ ശിക്ഷാ നിയമത്തിലെ (ഐപിസി) വകുപ്പുകളേക്കാൾ കൂടുതൽ കേസുകളുണ്ട് സമാജ്‌വാദി പാർട്ടി അധ്യക്ഷൻ അഖിലേഷ് യാദവ്. “മുഖ്യമന്ത്രിക്കെതിരെ ഗുരുതരമായ ചില ആരോപണങ്ങളുണ്ട്… ആരെങ്കിലും ഹർജി നൽകിയാൽ അവർക്കെതിരായ കേസുകൾ ഞങ്ങൾ പുനഃപരിശോധിക്കും…” അഖിലേഷ് യാദവ് പറഞ്ഞു.
ഈ വർഷത്തെ ഉത്തർപ്രദേശ് നിയമസഭാ തിരഞ്ഞെടുപ്പിൽ വിജയിച്ച് തന്റെ പാർട്ടി അധികാരത്തിൽ വന്നാൽ പൊലീസ് വാഹനങ്ങളുടെ എണ്ണം ഇരട്ടിയാക്കുമെന്നും അതിനാൽ കുറ്റകൃത്യം നടന്ന സ്ഥലത്ത് എത്രയും വേഗം എത്തിച്ചേരാനാകുമെന്നും അഖിലേഷ് യാദവ് പറഞ്ഞു.
എസ്പി-ആർഎൽഡി (രാഷ്ട്രീയ ലോക്ദൾ) സഖ്യത്തെക്കുറിച്ചുള്ള യോഗി ആദിത്യനാഥിന്റെ “ഗർമി ശാന്ത് കർവാ ഡെംഗേ” പരാമർശത്തിനെതിരെ അഖിലേഷ് യാദവും പ്രതികരിച്ചു. “ചൂട് ഇല്ലെങ്കിൽ നമ്മൾ മരിക്കും. ചൂടുള്ള രക്തം ഒഴുകുന്നില്ലെങ്കിൽ നമ്മൾ എങ്ങനെ ജീവനോടെ തുടരും?” അഖിലേഷ് യാദവ് പരിഹസിച്ചു. എസ്പി-ആർഎൽഡി സഖ്യത്തിന് ജനപിന്തുണ ലഭിച്ചതോടെ ബിജെപി വലഞ്ഞിരിക്കുകയാണെന്നും അദ്ദേഹം പറഞ്ഞു.
“അവർ (അഖിലേഷ് യാദവ്) വീണ്ടും ഒരു പുതിയ കവറുമായി വന്നിരിക്കുകയാണ്, കവർ മാത്രം പുതിയതാണ്, മെറ്റീരിയൽ ഇപ്പോഴും പഴയത് തന്നെ, മാർച്ച് 10 ന് ശേഷം, ‘ഇൻകി പൂരി ഗർമി ശാന്ത് കർവാ ഡെംഗേ'( ഇവരുടെ മുഴുവൻ ചൂടും തണുപ്പിക്കും),” എന്ന് യോഗി ആദിത്യനാഥ് നേരത്തെ പറഞ്ഞിരുന്നു.
ഉത്തർപ്രദേശിലെ എല്ലാവരും “നിഷേധാത്മക ചിന്തകരെ” നീക്കം ചെയ്യാൻ ആഗ്രഹിക്കുന്നുവെന്ന് ബിജെപിക്കെതിരെ സമാജ്‌വാദി പാർട്ടി അധ്യക്ഷൻ അഖിലേഷ് യാദവ് പറഞ്ഞു.
“ഇത് പ്രതീക്ഷയും ഭയവും തമ്മിലുള്ള തിരഞ്ഞെടുപ്പാണ്, കാരണം ഭാരതീയ ജനതാ പാർട്ടി ഭീഷണിപ്പെടുത്തി തിരഞ്ഞെടുപ്പിൽ മത്സരിക്കാൻ ആഗ്രഹിക്കുന്നു,” അഖിലേഷ് യാദവ് പറഞ്ഞു. അനധികൃത മദ്യവിൽപ്പനയ്ക്ക് പിന്നിൽ ബിജെപി പ്രവർത്തകരാണെന്നും അഖിലേഷ് യാദവ് ആരോപിച്ചു.
ഉത്തർപ്രദേശ് നിയമസഭാ തിരഞ്ഞെടുപ്പ് അടുത്തിരിക്കെയാണ് അഖിലേഷ് യാദവിന്റെ പരാമർശം. ഫെബ്രുവരി 10 മുതൽ ഏഴ് ഘട്ടങ്ങളിലായാണ് ഉത്തർപ്രദേശിൽ വോട്ടെടുപ്പ്. വോട്ടെണ്ണൽ മാർച്ച് 10ന് നടക്കും.