അമ്മ മരിച്ചതിന്റെ അനുശോചനം അറിയാക്കാന് “അമ്മാവനാ”യ ടി എം സി നേതാവിന്റെ കാല് തൊട്ടു വന്ദിച്ച ബി ജെ പി സ്ഥാനാര്ത്ഥിക്ക് പണികിട്ടി. പശ്ചിമ ബംഗാളിലെ ജാദവ്പൂരിലെ ബിജെപി സ്ഥാനാര്ത്ഥിയായ അനുപം ഹസ്രയ്ക്കാണ് അനുഗ്രഹം വാങ്ങല് വിനയായത്.തിരഞ്ഞെടുപ്പ് കാലത്ത് ശത്രുപാര്ട്ടിയുടെ കാല് പിടിച്ചതിന് പാര്ട്ടി വിശദീകരണം ആവശ്യപ്പെട്ടിരിക്കുകയാണ്, ഇപ്പോള്.
ടി എം സി ഭിര്ബൂം പ്രസിഡണ്ട് അനുബ്രദ മണ്ഡലിന്റെ കാല് തൊട്ടു വന്ദിച്ചതാണ് പ്രശ്നമായത്. ഇതിന്റെ ഫോട്ടോയും പുറത്തു വന്നതോടെ സോഷ്യല് മീഡിയയിലും ഇത് വൈറലായി. ഇതേ തുടര്ന്നാണ് പാര്ട്ടി ഇടപെട്ടത്. എന്നാല് മേഖലയിലെ ഉരുക്കുമനുഷ്യനായ അനുബ്രദ തന്റെ അമ്മാവനാണെന്നും അദേഹത്തിന്റെ അമ്മ മരിച്ചതിനെ തുടര്ന്നു അനുശോചനമറിയിക്കുക മാത്രമാണ് ചെയ്തതെന്നുമാണ് അനുപം ഹസ്ര പറയുന്നത്.
ബിജെപി അത് കണക്കിലെടുത്തിട്ടില്ലെന്നു മാത്രമല്ല എന്താണ് സംഭവിച്ചതെന്ന് എത്രയും വേഗം അറിയിക്കാനാണ് അദ്ദേഹത്തോട് ആവശ്യപ്പെട്ടിരിക്കുന്നത്. “ഭോല്പൂരില് വോട്ട് ചെയ്യാനെത്തിയപ്പോഴാണ് താന് അമ്മാവന് തുല്യം സ്നേഹിക്കുന്ന മണ്ഡലിന്റെ അമ്മ മരിച്ച വിവരം അറിയുന്നത്. അപ്പോഴാണ് അദ്ദേഹത്തെ കണ്ടത്.”-മുമ്പ് തൃണമൂല് എം പി ആയിരുന്ന, പിന്നീട് ബിജെപിയില് ചേര്ന്ന ഹസ്ര പറഞ്ഞു.