വംശ നാശ ഭീഷണി നേരിട്ടുകൊണ്ടിരിക്കുന്ന ബംഗാളിലെ സി പിഎം പ്രവര്ത്തകരെ കിട്ടാന് പരസ്യം കൊടുക്കുന്നു. കമ്പനികളും കോര്പ്പറേറ്റ് സ്ഥാപനങ്ങളും ഉദ്യോഗാര്ത്ഥികളെ തേടുന്ന ലിങ്കഡ് ഇന് ആപ്പിലാണ് തങ്ങള്ക്ക് പ്രവര്ത്തകരെ ആവശ്യമുണ്ടെന്ന് കാട്ടി ബംഗാള് സി പിഎം പരസ്യം ചെയ്തിരിക്കുന്നതെന്ന് മാതൃഭൂമി റിപ്പോര്ട്ട് ചെയ്യുന്നു. നീണ്ട 34 വര്ഷം സി പി എം ഭരിച്ച സംസ്ഥാനമാണിത്.
പാര്ട്ടിക്ക് വേണ്ടി പ്രതിഫലം ആഗ്രഹിക്കാതെ പ്രവര്ത്തിക്കാന് തെയ്യാറായവരില് നിന്നും അപേക്ഷ ക്ഷണിക്കുന്നുവെന്നാണ് ലിങ്കഡ് ഇന് ആപ്പില് നല്കിയ പരസ്യത്തില് പറയുന്നത്. വിവിധ സാമൂഹിക മാധ്യമങ്ങളില് പാര്ട്ടിക്കു വേണ്ടി പ്രചാര വേല നടത്തുക, പാര്ട്ടിയുടെ സാമ്പത്തിക കാര്യങ്ങളില് മേല്നോട്ടം വഹിക്കുക, ജനങ്ങള്ക്കിടയിലുള്ള വിവരശേഖരണം, പാര്ട്ടി ഓഫീസുകള് നടത്തിക്കൊണ്ട് പോവുക. ഇവയൊലൊക്കെ വൈദഗ്ധ്യമുള്ളവരെയാണ് ബംഗാള് സി പി എം തേടുന്നത്.
ഇടതുപക്ഷ രാഷ്ട്രീയത്തോട് താല്പര്യവും നിസ്വാര്ത്ഥമായ സേവനം നടത്താന് കഴിയുന്നവരുമായിരിക്കണം അപേക്ഷകര്. ഇത് ഒരു തൊഴില് ആയി കണക്കാക്കാതെ വേണം പ്രവര്ത്തിക്കാന്. ഈയിടെ ബംഗാള് പാര്ട്ടി നടത്തിയ മിനി പ്ളീനത്തിന്റെ ഭാഗമായാണ് പ്രവര്ത്തകരെ കിട്ടാന് പരസ്യം കൊടുക്കുന്ന തരത്തിലുള്ള നിര്ദേശങ്ങള് ഉയര്ന്ന് വന്നത്. അടിയന്തിരമായി പാര്ട്ടി ഡിജിറ്റല് ടീമിനെ ഉണ്ടാക്കണമെന്നും പ്ളീനത്തില് നിര്ദേശം ഉയര്ന്നു.