പഹല്ഗാം ഭീകരാക്രമണത്തെ തുടര്ന്ന് നിര്ത്തിവെച്ചിരുന്ന പഞ്ചാബിലെ ഇന്ത്യ-പാക് അതിര്ത്തി
ചെക്ക്പോസ്റ്റുകളിലെ ബിഎസ്എഫിന്റെ ബീറ്റിങ് റിട്രീറ്റ് പുനരാരംഭിച്ചു. അട്ടാരി, ഹുസൈനിവാല, സദ്കി എന്നിവിടങ്ങളിലെ മൂന്ന് സംയുക്ത ചെക്ക് പോസ്റ്റുകളിലും ഇന്നലെ വൈകിട്ട് ബിഎസ്എഫ് പ്രകടനം നടത്തി.
എന്നാല്, ബിഎസ്എഫ് ജവാന്മാര് പാക് അതിര്ത്തിരക്ഷാസേനയായ റേഞ്ചേഴ്സ് അംഗങ്ങള്ക്ക് കൈകൊടുക്കില്ല. അതിര്ത്തികവാടം തുറക്കുന്നതും ഒഴിവാക്കി.
പഹല്ഗാം ഭീകരാക്രമണത്തിനുമറുപടിയായി പാകിസ്താനെതിരേ ഇന്ത്യ ഓപ്പറേഷന് സിന്ദൂര് ആരംഭിച്ച മേയ് ഏഴുമുതല് പതാക താഴ്ത്തുന്ന ഈ ചടങ്ങ് ബിഎസ്എഫ് മുടക്കിയിരുന്നില്ല. എങ്കിലും സുരക്ഷ കണക്കിലെടുത്ത് എട്ടുമുതല് പൊതുജനങ്ങള്ക്ക് പ്രവേശനവിലക്കേര്പ്പെടുത്തിയിരുന്നു. വാഗ-അട്ടാരി, ഹുസ്സൈന്വാല-സഡ്കി എന്നീ അതിര്ത്തികളില് ദിവസവും വൈകീട്ടാണ് ബീറ്റിങ് ദ റിട്രീറ്റ് നടക്കുക.