അയോദ്ധ്യ കേസില്‍ വിധി പ്രസ്താവം നടക്കെ സുന്നി വഖഫ് ബോര്‍ഡും ആര്‍.എസ്.എസും വാര്‍ത്താസമ്മേളനങ്ങളുടെ സമയം പ്രഖ്യാപിച്ചു. വിധി വന്ന ശേഷമുളള നിലപാട് പ്രഖ്യാപനത്തിനായാണ് സംഘടനകള്‍ വാര്‍ത്താസമ്മേളനങ്ങള്‍ വിളിച്ചുചേര്‍ത്തത്.
കേസിലെ കക്ഷികളിലൊരാളായ സുന്നി വഖഫ് ബോര്‍ഡ് 11 മണിക്കാണ് വാര്‍ത്താസമ്മേളനം തീരുമാനിച്ചിരുന്നത്. ആര്‍.എസ്.എസ് തലവന്‍ മോഹന്‍ ഭാഗവത് ഉച്ചയ്ക്ക് 1 മണിക്കും വിശ്വ ഹിന്ദു പരിഷത്ത് ഉച്ചയ്ക്ക് 2.30 നും വാര്‍ത്താസമ്മേളനം വിളിച്ചിരുന്നു.
കോടതി വിധി എന്തായാലും അത് സ്വാഗതം ചെയ്യുമെന്ന് ഈ സംഘടനകള്‍ പ്രഖ്യാപിച്ചിട്ടുണ്ടെങ്കിലും വിധിയോട് ഇവരുടെ പ്രതികരണങ്ങള്‍ രാജ്യം ഉറ്റുനോക്കുന്നുണ്ട്.