പാക് പിടിയില്‍ നിന്നും മോചിതനായി ഇന്ത്യയിലെത്തിയതിനു ശേഷം ആദ്യമായി സഹപ്രവര്‍ത്തകരായ സുഹൃത്തുക്കള്‍ക്കൊപ്പം അഭിനന്ദന്‍ വര്‍ധമാന്റെ ഒത്തുചേരല്‍ വീഡിയോ സോഷ്യല്‍ മീഡിയയില്‍ വൈറലാകുന്നു. ജമ്മു കശ്മീരിലുള്ള സഹപ്രവര്‍ത്തകര്‍ക്കൊപ്പമാണ് കുശലം പറഞ്ഞും ചിത്രങ്ങളെടുത്തും അഭിനന്ദന്‍ സമയം ചെലവഴിച്ചത്.
“”ഈ ഫോട്ടോകള്‍ എടുക്കുന്നത് നിങ്ങള്‍ക്കു വേണ്ടിയല്ല, നിങ്ങളുടെ കുടുംബാംഗങ്ങള്‍ക്കു വേണ്ടിയാണ്, എനിക്കു വേണ്ടി പ്രാര്‍ഥിച്ചതിന്. അവരെ എനിക്കു കാണാന്‍ സാധിച്ചില്ല. നിങ്ങളും നിങ്ങളുടെ വീട്ടുകാരും എല്ലാവരും എന്റെ ആരോഗ്യത്തിനായി പ്രാര്‍ഥിച്ചു””, അഭിനന്ദന്‍ പറഞ്ഞു.
വാര്‍ത്താ ഏജന്‍സിയായ എഎന്‍ഐ ആണ് വീഡിയോ പുറത്തുവിട്ടിരിക്കുന്നത്. അഭിനന്ദനെ കണ്ട മാത്രയില്‍ തന്നെ അദ്ദേഹത്തെ കെട്ടിപിടിക്കുകയും സെല്‍ഫിയെടുക്കയും ചെയ്യുന്ന സഹപ്രവര്‍ത്തകരെ വീഡിയോയില്‍ കാണാന്‍ സാധിക്കും.