രാജ്യത്ത് കോവിഡ് രോഗികളുടെ എണ്ണത്തില് നേരിയ വര്ദ്ധന. കഴിഞ്ഞ 24 മണിക്കൂറിനിടെ 7,554 പുതിയ കോവിഡ് കേസുകളാണ് റിപ്പോര്ട്ട് ചെയ്തത്. തുടര്ച്ചയായി മൂന്നാം ദിവസമാണ് രോഗികളുടെ എണ്ണം 10,000 ത്തില് താഴെ റിപ്പോര്ട്ട് ചെയ്യുന്നത്.
പ്രതിദിന ടെസ്റ്റ് പോസിറ്റിവിറ്റി നിരക്ക് 0.96 ശതമാനമാണ്. പ്രതിവാര ടെസ്റ്റ് പോസിറ്റിവിറ്റി നിരക്ക് 1.06 ശതമാനമായി കുറഞ്ഞു.
രാജ്യത്തെ സജീവ കേസുകളുടെ എണ്ണം ഒരു ലക്ഷത്തില് താഴെയാണ്. നിലവില് 85,680 പേരാണ് കോവിഡ് ബാധിച്ച് ചികിത്സയില് കഴിയുന്നത്. 223 കോവിഡ് മരണങ്ങള് കൂടി റിപ്പോര്ട്ട് ചെയ്തിട്ടുണ്ട്. ഇതോടെ രാജ്യത്തെ ആകെ കോവിഡ് മരണസംഖ്യ 5,14,246 ആയി ഉയര്ന്നു.
കഴിഞ്ഞ 24 മണിക്കൂറിനിടെ 14,123 പേര് കോവിഡില് നിന്ന് മുക്തി നേടി. ഇതോടെ ആകെ രോഗമുക്തരായവരുടെ എണ്ണം 4,23,38,673 ആയി. രാജ്യത്തെ രോഗമുക്തി നിരക്ക് 98.60 ശതമാനമായി ഉയര്ന്നു.
രാജ്യത്ത് ഇതുവരെ 177.79 കോടി ഡോസ് കോവിഡ് വാക്സിന് വിതരണം ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു.