മൂവാറ്റുപുഴ ജനറൽ ആശുപത്രിയിൽ യുവതിയെ കുത്തിക്കൊന്നു. മൂവാറ്റുപുഴ സ്വദേശി സിംന ഷക്കീർ ആണ് കൊല്ലപ്പെട്ടത്. പുന്നമറ്റം സ്വദേശി ഷാഹുല് ഹമീദ് എന്നയാളാണ് കൊലപ്പെടുത്തിയത്.
പ്രതിയെ പോലീസ് കസ്റ്റഡിയിലെടുത്തിട്ടുണ്ട്. ആശുപത്രിയിലായിരുന്ന പിതാവിനെ കാണാനായെത്തിയ സിംനയെ ഇന്ന് ഉച്ചകഴിഞ്ഞ് മൂന്ന് മണിയോടെയായിരുന്നു പ്രതി അതിക്രമിച്ച് കൊലപ്പെടുത്തിയത്.
സിംനയുടെ കഴുത്തിലും പുറത്തുമാണ് കുത്തേറ്റത്. സ്ത്രീകളുടെയും കുട്ടികളുടെയും പുതിയ വാർഡ് കെട്ടിടത്തിൽ വെച്ചാണ് ആക്രമണമുണ്ടായത്.
ഇരുവരും വിവാഹിതരാണ്. നേരത്തെ അയൽവാസികളായിരുന്നു ഇരുവരുമെന്നാണ് വിവരം. ആക്രമണത്തിന് പിന്നാലെ പ്രതി ബൈക്കിൽ കയറി രക്ഷപ്പെട്ടു, ശേഷംപിന്തുടർന്നെത്തിയ പോലീസ് പ്രതിയെ കീഴടക്കി.