1971 ലെ ഇന്ത്യ- പാക് യുദ്ധത്തിന് പിന്നാലെ 90,000ത്തിലധികം പാകിസ്ഥാൻ സൈനികരെ അന്നത്തെ പ്രധാനമന്ത്രി ഇന്ദിര ഗാന്ധി എന്തിന് വിട്ടയച്ചു എന്ന ചോദ്യത്തിന് ഉത്തരമായി 5 കാരണൾ ചൂണ്ടിക്കാട്ടി മാധ്യമ പ്രവർത്തകനും എഴുത്തുകാരനുമായ റെജിമോൻ കുട്ടപ്പന്റെ ഫേസ്ബുക്ക് പോസ്റ്റ്. അമേരിക്ക ഇടപെട്ടതിനെ പിന്നാലെ ഇന്ത്യയും പാകിസ്ഥാനും വെടിനിർത്തൽ ധാരണയിലെത്തിയതോടെ ഇന്ദിരാ ഗാന്ധി അമേരിക്കയ്ക്ക് മുന്നിൽ വഴങ്ങാത്ത ചരിത്രത്തെ കോൺഗ്രസ് ചർച്ച ചെയ്തിരുന്നു. ഇതോടെ 1971 ൽ ഇന്ത്യ- പാകിസ്ഥാൻ യുദ്ധം ഇന്ത്യൻ സൈന്യം ജയിച്ചിട്ടും 90,000ത്തിലധികം പാകിസ്ഥാൻ സൈനികരെ ഇന്ദിര വിട്ടയച്ചത് ചൂണ്ടിക്കാട്ടി ബിജെപി ഹാൻഡിലുകളിൽ നിന്നും കോൺഗ്രസിനെതിരെ പരിഹാസവും ഉയർന്നിരുന്നു. ഈ സാഹചര്യത്തിലാണ് റെജിമോൻ കുട്ടപ്പന്റെ പോസ്റ്റ് .
ഇന്ദിര എന്തിനാണ് 90,000-ത്തിലധികം പാകിസ്താൻ സൈനികരെ വിട്ടയച്ചത്?
5 കാരണങ്ങൾ.
1. ശിംല കരാർ (Simla Agreement – 1972)
1972 ജൂലൈ 2-ന്, ഇന്ത്യൻ പ്രധാനമന്ത്രി ഇന്ദിരാ ഗാന്ധിയും പാകിസ്താൻ പ്രസിഡന്റ് സുൽഫിക്കാർ അലി ഭൂട്ടോയും ഒപ്പുവെച്ച ശിംല കരാറിന്റെ പ്രധാന ഭാഗമായിരുന്നു പാകിസ്താനിയൻ തടവുകാരെ മോചിപ്പിക്കുന്നത്.
പകരമായി, പാകിസ്താൻ ബംഗ്ലാദേശിനെ അംഗീകരിക്കുകയും, ഭാവിയിൽ എല്ലാ പ്രശ്നങ്ങളും ശാന്തമായ വഴികളിലൂടെ പരിഹരിക്കാമെന്ന് പ്രതിജ്ഞയെടുക്കുകയും ചെയ്തു.
2. അന്താരാഷ്ട്ര ഇടപെടൽ
അമേരിക്ക, ചൈന, ഐക്യരാഷ്ട്രസംഘം തുടങ്ങിയ രാജ്യങ്ങൾ ഇന്ത്യയെ തടവുകാരെ മോചിപ്പിക്കാൻ ഇടപെട്ടു.
ജെനീവാ കൺവെൻഷൻ പ്രകാരം, പോർക്കാലത്തെ തടവുകാർക്ക് മാന്യമായ പെരുമാറ്റവും ശരിയായ സമയത്ത് മോചിപ്പിക്കുന്നതുമാണ് ആഗോള നിയമപ്രകാരം നിർബന്ധിതം.
3. ബംഗ്ലാദേശിന്റെ ആവശ്യങ്ങൾ – പക്ഷേ ഇന്ത്യയുടെ നയതന്ത്രം
ബംഗ്ലാദേശ് അവരുടെ സ്വാതന്ത്ര്യസമരത്തിനിടെ ഉണ്ടായ മാനവതാവിരുദ്ധ കുറ്റങ്ങൾക്കായി 195 പേർക്ക് മേൽ കേസെടുക്കാൻ ആഗ്രഹിച്ചു. പക്ഷേ ഇന്ത്യ, അതിനേക്കാൾ പ്രധാനമായി പ്രദേശീയ സമാധാനവും പാകിസ്താനുമായുള്ള നല്ല ബന്ധവും ലക്ഷ്യമാക്കി. അവസാനം, പാകിസ്താൻ “ഖേദം” പ്രകടിപ്പിച്ചപ്പോൾ ഇന്ത്യയും ബംഗ്ലാദേശും കേസെടുക്കുന്ന നിലപാട് ഉപേക്ഷിച്ചു.
4. നയതന്ത്രം
പിടിയിലായ സൈനികരെ ഇന്ത്യ തന്ത്രപരമായ ഒരു മാർഗ്ഗമായും ഉപയോഗിച്ചു:
ബംഗ്ലാദേശിന്റെ സ്വാതന്ത്ര്യം അംഗീകരിക്കാൻ പാകിസ്താനെ നിർബന്ധിക്കാൻ.
യുദ്ധം ഒഴിവാക്കാനും, ഭാവിയിലെ സമാധാനം ഉറപ്പാക്കാനും.
5. സാമ്പത്തികവും പ്രായോഗികവുമായ കാരണങ്ങൾ
90,000-ത്തിലധികം തടവുകാരെ സുരക്ഷിതമായി താമസിപ്പിക്കൽ, ഭക്ഷണം, സുരക്ഷ, എന്നിങ്ങനെയുള്ള കാര്യങ്ങൾ ഭാരമുള്ള ചെലവായിരുന്നു.
തടവുകാരെ പിതൃത്തിയാതെ പിടിച്ചു വച്ചാൽ, ഇന്ത്യയുടെ അന്താരാഷ്ട്ര പ്രതിച്ഛായ ദുര്ബലപ്പെടാൻ സാധ്യതയുണ്ടായിരുന്നു.
ഇനി ഇന്നിലേക്ക്. എന്ത് വെടി നിർത്തൽ കരാർ ആണ് “ഒപ്പിട്ടിരിക്കുന്നത്”. അമേരിക്ക കരാർ ഡ്രാഫ്റ്റ് ചെയ്തിട്ടില്ല എന്ന് പറയുന്നു. അമേരിക്ക ഫോൺ വിളിച്ചു പറയുന്നു. മൂന്നാം കക്ഷി ഇല്ല എന്ന് ഇന്ത്യ പറയുന്നു. പാകിസ്ഥാൻ വിജയം അവകാശപ്പെടുന്നു. 26 ഇന്ത്യക്കാരെ കൊന്ന തീവ്രാദികളെ പിടിച്ചിട്ടില്ല. പാകിസ്ഥാൻ പട്ടാളം പൂഞ്ചിൽ 17 പേരെ കൊന്നതിന് കാരണം ഇല്ല. ഇനിയും പാകിസ്ഥാൻ അക്രമം നടത്തില്ല എന്ന് ഉറപ്പും നൽകിയിട്ടില്ല.