പേവിഷബാധയ്ക്കുള്ള വാക്സിൻ ഗുണനിലവാരം പുലർത്തുന്നതെന്ന് കേന്ദ്ര ഡ്രഗ്‌സ് ലാബ്, ആശങ്ക അവസാനിച്ചു എന്ന് വീണാ ജോർജ്

സംസ്ഥാനത്ത് നിന്ന് പരിശോധനയ്ക്കയച്ച പേവിഷബാധ പ്രതിരോധ വാക്‌സിൻ ഗുണനിലവാരമുള്ളതെന്ന് സാക്ഷ്യപ്പെടുത്തി കേന്ദ്ര ഡ്രഗ്‌സ് ലാബ്. സമീപകാലത്ത് വാക്സിൻ എടുത്ത് ആളുകളിൽ മരണനിരക്ക് ഉയർന്നതോദ്യൻ ഗുണനിലവാരത്തിൽ കാര്യത്തിൽ സംശയം ഉണ്ടായത്,

ഇപ്പോഴിതാ അങ്ങനെ ഉള്ള എല്ലാ സംശയങ്ങളെയും കാറ്റിൽപറത്തി കേന്ദ്ര ഡ്രഗ്‌സ് ലാബ് വാക്സിൻ ഗുണനിലവാരമുള്ളതെന്ന് സര്‍ട്ടിഫൈ ചെയ്തിരിക്കുകയാണ്. കേന്ദ്ര ലാബിലേയ്ക്കയച്ച ഇമ്മുണോഗ്ലോബുലിനും ഗുണനിലവാരമുള്ളതാണെന്ന് സ്ഥിരീകരിച്ചിട്ടുണ്ട്. വാക്സിൻ ഗുണമുള്ളത് തന്നെയാണെന്നും ഇതുമായി ബന്ധപ്പെട്ട ആശങ്ക എല്ലാം അവസാനിച്ചു എന്നും പറയുകയാണ് ആരോഗ്യ മന്ത്രി വീണാ ജോർജ്.

വാക്സിൻ സ്വീകരിച്ച 5 പേർ മരിച്ച സാഹചര്യത്തിലാണ് ഗുണനിലവാരം പരിശോധിക്കണം എന്ന് പറഞ്ഞ് ആരോഗ്യമന്ത്രി കേന്ദ്ര ആരോഗ്യ മന്ത്രിക്ക് കത്തയച്ചത്.