പ്രതിപക്ഷ നേതാവ് വിഡി സതീശന് കോണ്ഗ്രസിന്റെ ശവകല്ലറ പണിയുകയാണെന്ന് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. കോണ്ഗ്രസിലെ തമ്മില് തല്ല് കാരണം എല്ഡിഎഫ് തന്നെ വീണ്ടും അധികാരത്തിലെത്തുമെന്നും വെള്ളാപ്പള്ളി പറഞ്ഞു. നിഷേധാത്മകമായ നിലപാടും അഹങ്കാരവുമാണ് പ്രതിപക്ഷ നേതാവിന്റെ മുഖമുദ്രയെന്നും വെള്ളാപ്പള്ളി കൂട്ടിച്ചേര്ത്തു.
സതീശന് തറ വര്ത്തമാനം പറയുകയാണ്. ഇത്രയും തറയായ പ്രതിപക്ഷ നേതാവിനെ കേരളം കണ്ടിട്ടില്ലെന്നും എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് ആരോപിച്ചു. എല്ഡിഎഫ് വീണ്ടും അധികാരത്തിലെത്തുമെന്നും അത് അവരുടെ ഭരണമികവ് കൊണ്ടായിരിക്കില്ലെന്നും വെള്ളാപ്പള്ളി നടേശന് അഭിപ്രായപ്പെട്ടു.
തനിക്ക് കോണ്ഗ്രസിനോട് വിരോധമില്ല. എന്നാല് തനിക്കെതിരെ ചില നേതാക്കള് വ്യക്തി വിദ്വേഷം തീര്ക്കുകയാണ്. സുധാകരന് പറയുന്നതിന്റെ എതിര് മാത്രമാണ് സതീശന് പറയുക. സുധാകരനെ മൂലക്കിരുത്തി സതീശനാണ് കോണ്ഗ്രസിനെ നയിക്കുന്നത്. കോണ്ഗ്രസിലെ അനൈക്യം എല്ഡിഎഫിന് ഗുണം ചെയ്യുമെന്നും വെള്ളാപ്പള്ളി പറഞ്ഞു.
സതീശന് ശൈലി കോണ്ഗ്രസ് മാറ്റണമെന്നും വെള്ളാപ്പള്ളി നടേശന് അഭിപ്രായപ്പെട്ടു. കോണ്ഗ്രസ് തന്നെ അകത്തിടാന് ശ്രമിച്ചതാണെന്നും വെള്ളാപ്പള്ളി വ്യക്തമാക്കി.