പാല ഉപതിരഞ്ഞെടുപ്പില് യു.ഡി.എഫ് തന്നെ തുടരുമെന്ന്് എക്സിറ്റ്പോള് ഫലം. 48 ശതമാനം വോട്ടുകള് നേടി യുഡിഎഫ് സ്ഥാനാര്ത്ഥി ജോസ് ടോം വിജയിക്കുമെന്നാണ് ഏഷ്യാനെറ്റ് ന്യൂസും എ ഇസഡ് റിസര്ച്ച് പാര്ട്ണേഴ്സും ചേര്ന്ന് പാലായില് നടത്തിയ എക്സിറ്റ് പോള് പ്രവചിക്കുന്നത്. എല്ഡിഎഫിന് 32 ശതമാനം വോട്ടുകള് നേടാനേ സാധിക്കൂ. ബിജെപി 19 ശതമാനവും മറ്റുള്ളവര് ഒരു ശതമാനവും വോട്ടുകള് നേടും.
പാലയില് 2016-നെക്കാളും വികച്ച വിജയം യു.ഡി.എഫ് കരസ്ഥമാക്കുമെന്നും വോട്ട് വിഹിതം വര്ദ്ധിപ്പിക്കുമെന്നും എക്സിറ്റ്പോളില് പറയുന്നു. 2016 ല് 42 ശതമാനം വോട്ടുവിഹതം കരസ്ഥമാക്കിയ യു.ഡി.എഫ് ഇത്തവണ 48 ശതമാനമായി വോട്ടുവിഹിതം ഉയര്ത്തും.
ഇതേ സമയം ഇടതുപക്ഷത്തിന്റെ വോട്ടുവിഹിതത്തില് വലിയ കുറവുണ്ടാകുമെന്നും പറുന്നു. 2016- ല് 39 ശതമാനം വോട്ടുവിഹിതം നേടിയയിടത്ത് ഇത്തവണ 32 ശതമാനമായി കുറയുമെന്നും പറയുന്നു.
പാലായില് ആകെ 1,79,107 വോട്ടര്മാരാണ് ഉള്ളത്. 2016- ല് കെ.എം മാണി 58,884 വോട്ടുകളും മാണി സി കാപ്പന് 54,181 വോട്ടുകളും എന്. ഹരി 24,821 വോട്ടുകളും നേടിയിരുന്നു.
യു.ഡി.എഫ് വിജയം സുനിശ്ചിതമാണെന്ന് യു.ഡി.എഫ് സ്ഥാനാര്ത്ഥി ജോസ് ടോം പ്രതികരിച്ചു. പാല യു.ഡി.എഫിന്റെയും മാണി സാറുടെയുമാണ്. ഇക്കാലവും അത് നിലനിര്ത്തുമെന്നും അദ്ദേഹം പറഞ്ഞു.
പാല ഉപതിരഞ്ഞെടുപ്പ് അവസാനിച്ചപ്പോള് തിരഞ്ഞെടുപ്പ് കമ്മീഷന്റെ കണക്കുകള് പ്രകാരം ആറുമണി വരെ 71.41 ശതമാനം വോട്ടാണ് രേഖപ്പെടുത്തിയിട്ടുള്ളത്. കനത്ത മഴയെ അവഗണിച്ചും ഒരുപാട് ആളുകള് വോട്ട് ചെയ്യാനെത്തി. അവസാന മണിക്കൂറുകളിലാണ് താരതമ്യേന പോളിംഗ് ശതമാനം കുറഞ്ഞത്.