പുതുപ്പള്ളിയില് വികസനം ചര്ച്ച ചെയ്താല് ലാഭം യുഡിഎഫിനെന്ന് മുസ്ലീം ലീഗ് ദേശീയ ജനറല് സെക്രട്ടറി പികെ കുഞ്ഞാലിക്കുട്ടി. പുതുപ്പള്ളിയില് യുഡിഎഫ് സ്ഥാനാര്ത്ഥി ചാണ്ടി ഉമ്മന്റെ പ്രചരണത്തിനായി എത്തിയപ്പോഴായിരുന്നു പി കെ കുഞ്ഞാലിക്കുട്ടിയുടെ പ്രതികരണം.
അഞ്ച് പതിറ്റാണ്ടുകൊണ്ട് പുതുപ്പള്ളിയിലെ ജനങ്ങള്ക്ക് കിട്ടിയത് മികച്ച നേട്ടങ്ങളാണെന്നും പുതുപ്പള്ളിയില് ഏത് അളവുകോലില് നോക്കിയാലും ഉമ്മന് ചാണ്ടിക്ക് നൂറ് മാര്ക്ക് നല്കാമെന്നും പി കെ കുഞ്ഞാലിക്കുട്ടി പറഞ്ഞു.
ഉമ്മന്ചാണ്ടിയാണ് കേരളത്തില് വികസനമെത്തിച്ചത്. യുഡിഎഫിന്റെ വിജയസാധ്യത വഴിതിരിച്ച് വിടാന് ശ്രമങ്ങള് നടക്കുന്നുണ്ടെങ്കിലും ഉമ്മന്ചാണ്ടിയോടുള്ള വൈകാരികത മണ്ഡലത്തില് നിറഞ്ഞു നില്ക്കുന്നെന്നും കുഞ്ഞാലിക്കൂട്ടി കൂട്ടിചേര്ത്തു.
യുഡിഎഫ് സ്ഥാനാര്ഥി ചാണ്ടി ഉമ്മന്റെ പര്യടനം രാവിലെ ഏഴിന് പുതുപ്പള്ളിയില് നിന്ന് ആരംഭിച്ചു. മണ്ഡലത്തിലെ ആറ് നാല് പഞ്ചായത്ത്കളിലാണ് ഇന്ന് പര്യടനം ഉണ്ടാവുക. പ്രധാന നേതാക്കള് വിവിധ പരിപാടികളില് സംസാരിക്കും.