ടൈഫോയ്ഡ് വാക്സിന് കാരുണ്യ ഫാര്മസി വഴി വില കുറച്ച് നല്കുമെന്ന് ആരോഗ്യമന്ത്രി വീണാ ജോര്ജ്. ഹെല്ത്ത് കാര്ഡിന് ടൈഫോയ്ഡ് വാക്സിന് നിര്ബന്ധമാക്കിയതോടെയാണ് നടപടി. കാരുണ്യ വഴി പരമാവധി വിലകുറച്ചാകും വാക്സീന് നല്കുകയെന്നും മന്ത്രി അറിയിച്ചു.
അവശ്യമരുന്ന് അല്ലാത്തതിനാല് നേരത്തെ കാരുണ്യ വഴി വാക്സീന് നല്കിയിരുന്നില്ല. ഇപ്പോഴത്തെ സാഹചര്യത്തില് പരമാവധി വിലകുറച്ച് ടൈഫോയ്ഡ് വാക്സിന് ലഭ്യമാക്കാനുള്ള ശ്രമത്തിന്റെ ഭാഗമായാണ് കാരുണ്യ വിഭാഗം വഴി ലഭ്യമാക്കാന് കെഎംഎസ്സിഎലിന് നിര്ദേശം നല്കിയത്. എത്രയും വേഗം ഇത് ലഭ്യമാക്കാനുള്ള നടപടികള് സ്വീകരിക്കുമെന്നും മന്ത്രി വ്യക്തമാക്കി.
ഭക്ഷ്യസുരക്ഷാ നടപടിക്രമങ്ങളുടെ ഭാഗമായുള്ള ഹെല്ത്ത് കാര്ഡ് എടുക്കുന്നവര്ക്ക് ടൈഫോയ്ഡ് വാക്സിന് 2011ല് തന്നെ നിര്ബന്ധമാക്കിയിട്ടുള്ളതാണ്.