തൃപ്പൂണിത്തുറ ഹില്‍ പാലസിനു സമീപം വീട്ടുകാരെ കെട്ടിയിട്ടും മര്‍ദ്ദിച്ചും മോഷണം. 50 പവന്‍ സ്വര്‍ണ്ണവും 20000 രൂപയുമാണ് മോഷണം പോയത്.പുലര്‍ച്ചെ രണ്ട് മണിയോടെയായിരുന്നു സംഭവം. ഇതരസംസ്ഥാനക്കാരുള്‍പ്പെടുന്ന പത്തംഗസംഘമാണ് കവര്‍ച്ച നടത്തിയതെന്നാണ് പ്രാഥമിക നിഗമനം. കവര്‍ച്ചാസംഘത്തിന്റെ ആക്രമണത്തില്‍ ഗൃഹനാഥന് ഗുരുതരമായി പരിക്കേറ്റു. മറ്റ് കൂടുംബാംഗങ്ങള്‍ക്കു പരിക്കേറ്റിട്ടുണ്ട്. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.
അന്വേഷണത്തിന് പ്രത്യേക സംഘത്തെ നിയോഗിച്ചതായി കമ്മീഷണര്‍ എം.പി ദിനേശ് അറിയിച്ചു. സമാനരീതിയിലുള്ള കവര്‍ച്ചകളാണ് കൊച്ചിയില്‍ നടന്നിരിക്കുന്ന് കമ്മീഷണര്‍ പറഞ്ഞു.
ഇന്നലെ കൊച്ചി പുല്ലേപ്പടിയിലും സമാനമായ രീതിയില്‍ മോഷണം നടന്നിരുന്നു. പുലര്‍ച്ചെ വൃദ്ധദമ്പതികളെ കത്തികാട്ടി ഭീഷണിപ്പെടുത്തിയാണ് കവര്‍ച്ച നടത്തിയത്. സംസ്ഥാനത്ത് കഴിഞ്ഞ മൂന്നു ദിവസത്തിനിടയില്‍ നടന്ന മൂന്നാമത്തെ കവര്‍ച്ചയാണ് ഇത്. കാസര്‍കോഡ് ചീമേനിയിലായിരുന്നു രണ്ടു ദിവസം മുമ്പ് വന്‍കവര്‍ച്ച നടന്നത്. വീട്ടമ്മയെ കഴുത്തറത്ത് കൊലപ്പെടുത്തിയായിരുന്നു ഇവിടെ കവര്‍ച്ച
(ചിത്രം കടപ്പാട്- മാതൃഭൂമി)