കോഴിക്കോട് തിക്കോടിയില് യുവാവ് പെട്രോള് ഒഴിച്ച് തീകൊളുത്തിയ പെണ്കുട്ടി മരിച്ചു. തിക്കോടി പഞ്ചായത്തിലെ താല്ക്കാലിക ജീവനക്കാരി കൃഷ്ണ്പ്രിയയാണ് മരിച്ചത്.
തിക്കോടി പളളിത്താഴം സ്വദേശി നന്ദുവാണ് കൃഷ്ണപ്രിയയുടെ ശരീരത്തില് പെട്രോള് ഒഴിച്ച് തീ കൊളുത്തിയത്. ഇന്നു രാവിലെ 9.50ന് തിക്കൊടി പഞ്ചായത്ത് ഓഫീസിന് മുന്നിലായിരുന്നു നാടി നെ നടുക്കിയ സംഭവം. ജോലിക്കെത്തിയ കൃഷ്ണപ്രിയയെ നന്ദു തടഞ്ഞുനിര്ത്തി പെട്രോള് ഒഴിച്ച് തീ കൊളുത്തുകയായിരുന്നു.
കൃഷ്ണപ്രിയയുടെ നിലവിളി കേട്ടെത്തിയ ജീവനക്കാരും നാട്ടുകാരും ചേര്ന്നാണ് തീ അണച്ചത്. ആത്മഹത്യയ്ക്ക് ശ്രമിച്ച നന്ദുവിനെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു. ഇയാളുടെ നില ഗുരുതരമാണ്. കൃഷ്ണപ്രിയയെ നന്ദു ഏറെ നാളുകളായി ശല്യം ചെയ്തിരുന്നതായി ബന്ധുക്കള് പറഞ്ഞു.