കണ്ണൂരില് ജനവാസ മേഖലയിലിറങ്ങിയ കാട്ടാനയെ മയക്കുവെടി വെച്ചു. കരിക്കോട്ടക്കരിയിലെ ജനവാസ മേഖലയിലിറങ്ങിയ ആനയെ ആണ് മയക്കുവെടിവച്ച് പിടികൂടിയത്. ആനയ്ക്ക് ഗുരുതരമായി പരിക്കേറ്റിട്ടുണ്ടെന്നും പിടികൂടി വിദഗ്ധ ചികിത്സ നല്കുമെന്നും വനംവകുപ്പ് അറിയിച്ചു. വയനാട്ടില് നിന്നെത്തിയ വെറ്ററിനറി സംഘമാണ് കുട്ടി ആനയെ മയക്കുവെടിവച്ചത്.
വെറ്റിനറി ഡോക്ടര് അജീഷ് മോഹന്ദാസിന്റെ നേതൃത്വത്തിലാണ് മയക്ക് വെടി വെച്ചത്. ഇന്ന് പുലര്ച്ചെയാണ് ആനയെ ജനവാസ മേഖലയില് കണ്ടെത്തിയത്. ആനയുടെ മുറിവ് ഗുരുതരമാണെന്ന് വിദഗ്ധ സംഘം അറിയിച്ചിരുന്നു.താടിയെല്ലിനാണ് മുറിവേറ്റിരിക്കുന്നത്. അതിനാല് തന്നെ തീറ്റയും വെള്ളവും എടുക്കാന് ആന ബുദ്ധിമുട്ട് നേരിടുന്നുണ്ട്.