സഹകരണ സംഘങ്ങളില് നിന്ന് വായ്പയെടുത്ത് തിരിച്ചടവ് മുടങ്ങിയവര്ക്ക് ആശ്വാസമായി സംസ്ഥാന സർക്കാരിന്റെ ‘ആശ്വാസ് 2026’. വായ്പ തിരിച്ചടവ് മുടങ്ങിയവര്ക്ക് ഒറ്റത്തവണയായി തിരിച്ചടയ്ക്കാന് സഹായിക്കുന്ന പദ്ധതിയാണിത്. സർക്കാരിന്റെ 100 ദിന കർമ്മപരിപാടിയിൽ ഉൾപ്പെടുത്തി ജൂൺ 1 മുതൽ ആഗസ്റ്റ് 31 വരെയാണ് ‘ആശ്വാസ് 2026’ നടപ്പിലാക്കുക.
സഹകരണ വകുപ്പ് മന്ത്രിയായി ചുമതല ഏറ്റെടുത്ത ശേഷം കേരളത്തിലെ എല്ലാ ജില്ലകളിൽ നിന്നും എനിക്ക് ലഭിച്ച പരാതികളിൽ അധികവും വായ്പ തിരിച്ചടവ് മുടങ്ങി പലിശയും പിഴ പലിശയുമായി വായ്പയെടുത്ത തുക തിരിച്ചടക്കാൻ കഴിയാതെ ജപ്തി ഭീഷണിയിലായ നിരവധി മനുഷ്യരുടെതായിരുന്നു എന്ന് മന്ത്രി പറഞ്ഞു.
യുഡിഎഫ് സർക്കാരിന്റെ പ്രഖ്യാപിത നയമാണ് സഹകരണ വകുപ്പ് പ്രഖ്യാപിച്ചിരിക്കുന്ന ‘ആശ്വാസ് 2026’ ഒറ്റത്തവണ തീർപ്പാക്കൽ പദ്ധതി. സഹകരണ സംഘങ്ങളിൽ നിന്നോ ബാങ്കുകളിൽ നിന്നോ വായ്പയെടുത്ത് കുടിശ്ശികയായവർക്ക് ഈ പദ്ധതി ആശ്വാസമാകും.
പദ്ധതിയിലൂടെ പ്രാഥമിക സഹകരണ സംഘങ്ങൾ/ ബാങ്കുകളിൽ നിന്നും വായ്പയെടുത്തവരുടെ തിരിച്ചടവു മുടങ്ങിയ കാരണത്താൽ വർദ്ധിച്ചുവരുന്ന കുടിശ്ശിക/നിഷ്ക്രിയ ആസ്തി കുറച്ച് നിക്ഷേപകരുടെ താൽപ്പര്യം കൂടി സംരക്ഷിക്കുകയാണ് സർക്കാരിന്റെ ലക്ഷ്യം.