എസ്എഫ്ഐ പ്രവര്ത്തകനെ കുത്തിക്കൊന്നു. ഇടുക്കി എൻജിനീയറിംഗ് കോളജിലാണ് സംഭവം. കണ്ണൂര് സ്വദേശി ധീരജാണ് കൊല്ലപ്പെട്ടത്. കോളജിലെ തിരഞ്ഞെടുപ്പുമായി ബന്ധപ്പെട്ട തര്ക്കങ്ങളാണ് കൊലപാതകത്തില് കലാശിച്ചത്. പിന്നില് കെഎസ്യു യൂത്ത് കോണ്ഗ്രസ് പ്രവര്ത്തകരെന്ന് എസ്എഫ്ഐ ആരോപിച്ചു.
കോളജ് യൂണിയന് തിരഞ്ഞെടുപ്പിനിടെയാണ് ധീരജിനും മറ്റൊരു എസ്എഫ്ഐ പ്രവര്ത്തകനും കുത്തേറ്റത്. ധീരജിനെ കുത്തിയശേഷം പ്രതികള് ഓടിക്കളയുകയായിരുന്നു. ആശുപത്രിയിലെത്തിക്കും മുമ്പ് ധീരജിജ് മരിച്ചിരുന്നു. ധീരജിനൊപ്പം ഉണ്ടായിരുന്ന വിദ്യാര്ത്ഥിയുടെ ഷോള്ഡറിന് സാരമായ പരിക്കേറ്റതായാണ് ആശുപത്രി അധികൃതര് നല്കുന്ന സൂചന.
നേരത്തെ കോളജില് വിദ്യാര്ത്ഥി സംഘട്ടനം ഉണ്ടായിരുന്നെങ്കിലും ഇത്തരം സംഭവം ഇതാദ്യമാണ്. ജില്ലാ പഞ്ചായത്ത് അംഗം കെ ജി സത്യനാണ് കുത്തേറ്റ വിദ്യാര്ത്ഥികളെ ആശുപത്രിയില് എത്തിച്ചത്. മൃതദേഹം ഇടുക്കി മെഡിക്കല് കോളജ് ആശുപത്രി മോര്ച്ചറിയിലാണ്.