സംസ്ഥാനത്ത് നബി ദിനം പ്രമാണിച്ച് പ്രഖ്യാപിച്ചിരുന്ന പൊതു അവധി ഈ മാസം 28 ാം തീയതിയിലേക്ക് മാറ്റി. 27 നായിരുന്നു മുൻപ് നിശ്ചയിച്ചിരുന്ന പൊതു അവധി.നബി ദിനം പ്രമാണിച്ച് സെപ്റ്റംബര് 28ന് പൊതു അവധി നല്കണമെന്ന് ആവശ്യപ്പെട്ട് കൊണ്ടോട്ടി എംഎല്എയും മുസ്ലിം ലീഗ് നേതാവുമായ ടി വി ഇബ്രാഹിം മുഖ്യമന്ത്രിക്ക് കത്ത് നൽകിയിരുന്നു.
നേരത്തെ സെപ്റ്റംബര് 27നാണ് അവധി പ്രഖ്യാപിച്ചിരുന്നത്. മാസപ്പിറവി കാണാത്തതിനാല് നബി ദിനം സെപ്റ്റംബര് 28 ന് തീരുമാനിച്ച സാഹചര്യത്തിൽ പൊതു അവധി ഈ ദിവസത്തിലേക്ക് മാറ്റണമെന്നാണ് എംഎല്എ ആവശ്യപ്പെട്ടത്. അതേ സമയം ദഫ് മുട്ട് ഉൾപ്പെടെയുള്ള കാലാസാംസ്കാരിക പരിപാടികളോടെ നബി ദിനം ആഘോഷിക്കാനുള്ള ഒരുക്കത്തിലാണ് മഹല്ലു കമ്മിറ്റികൾ.