നോവലിന്റെ പ്രസിദ്ധീകരണാനുമതി നിഷേധിച്ചതിനെ തുടര്ന്ന് നിരാഹാര സമരം ആരംഭിച്ച മാവോയിസ്റ്റ് നേതാവ് രൂപേഷ് സമരം അവസാനിപ്പിച്ചു. മുഖ്യമന്ത്രിയുടെ ഓഫീസ് സംഭവത്തില് ഇടപെട്ടതിനെ തുടര്ന്നാണ് രൂപേഷ് നിരാഹാര സമരം അവസാനിപ്പിച്ചത്. രൂപേഷിന്റെ പുസ്തകം പ്രസിദ്ധീകരിക്കാനുള്ള നടപടികള് വേഗത്തിലാക്കാമെന്ന് മുഖ്യമന്ത്രിയുടെ ഉറപ്പ് കുടുംബത്തിന് ലഭിച്ചു.
നിരാഹാര സമരത്തെ തുടര്ന്ന് ആരോഗ്യനില വഷളായ രൂപേഷിനെ മഞ്ഞപ്പിത്തം ബാധിച്ച് തൃശൂര് മെഡിക്കല് കോളേജ് ആശുപത്രിയില് പ്രവേശിപ്പിച്ചിരുന്നു. നിലവില് ആശുപത്രിയില് ചികിത്സയിലാണ് രൂപേഷ്. മുഖ്യമന്ത്രിയുടെ ഉറപ്പും, ആരോഗ്യസ്ഥിതിയും കണക്കിലെടുത്താണ് നിരാഹാര സമരം അവസാനിപ്പിച്ചത്.
പുസ്തകം പ്രസിദ്ധീകരിക്കാന് തടസ്സമില്ലെന്ന വിവരം ജയില് വകുപ്പും കുടുംബത്തെ അറിയിച്ചു. കുടുംബവുമായി രൂപേഷ് വീഡിയോ കോണ്ഫറന്സിലൂടെ സംസാരിക്കുകയും ചെയ്തു. ‘ബന്ദിതരുടെ ഓര്മ്മകള്’ എന്ന നോവലിന് പ്രസിദ്ധീകരണാനുമതി നിഷേധിച്ചതിനെ തുടര്ന്നാണ് രൂപേഷ് നിരാഹാര സമരം ആരംഭിച്ചത്.