ലോകസഭ മണ്ഡലത്തില് പി ജയരാജനെതിരേ വടകരയില് മത്സരിക്കില്ലെന്ന് ആര്എംപി. യു.ഡി.എഫ് സ്ഥാനാര്ഥിയെ പിന്തുണക്കാനാണ് പാര്ട്ടിയുടെ തീരുമാനം.
കെലപാതകികളും അക്രമികളും വിജയിക്കരുതെന്ന് ആര്.എം.പി നേതാവ് കെ.കെ രമ വിശദീകരിച്ചു. കൊലയാളി ജയിക്കരുത്. പി.ജയരാജന്റെ തോല്വി ഉറപ്പാക്കുകയാണ് ലക്ഷ്യം. അതിനുവേണ്ടതെല്ലാം ചെയ്യും. ഇല്ലെങ്കില് അണികളോട് മറുപടി പറയേണ്ടി വരും. സംസ്ഥാന വ്യാപകമായി കൊലപാതക രാഷ്ട്രീയത്തിനെതിരായി പ്രചാരണത്തിന് ഇറങ്ങുമെന്നും കെ.കെ രമ അറിയിച്ചു.
ആര്.എം.പി രൂപീകരിച്ച ശേഷം എല്ലാ വര്ഷവും മത്സരിക്കാറുണ്ട്. ഇത്തവണ ടി.പി ചന്ദ്രശേഖരന്റെ കൊലപാതകത്തിന് പിന്നില് നിന്നയാളാണ് സി.പി.എമ്മിന്റെ സ്ഥാനാര്ഥിയായത്. യു.ഡി.എഫിന്റെ രാഷ്ട്രീയ നിലപാടിനോട് യോജിപ്പില്ല. പി.ജയരാജനെ തോല്പ്പിക്കുന്നതിന് വേണ്ടിയാണ് യു.ഡി.എഫിനെ പിന്തുണക്കുന്നതെന്നും എന്. വേണു പറഞ്ഞു.