രാജ്യത്തെ പരമോന്നത കായിക ബഹുമതിയായ രാജീവ് ഗാന്ധി ഖേല്രത്ന പുരസ്കാരത്തിന്റെ പേര് മാറ്റിയ സംഭവത്തിൽ പ്രതിഷേധവുമായി കോൺഗ്രസ് നേതാവ് രമേശ് ചെന്നിത്തല.
രാജ്യത്തിന് വേണ്ടി ജീവന് ബലിയര്പ്പിച്ച മഹാനായ മുന് പ്രധാനമന്ത്രിയെ മാത്രമല്ല, ഹോക്കി മാന്ത്രികനായ ധ്യാന് ചന്ദിനെയും അപമാനിച്ചിരിക്കുകയാണെന്ന് അദ്ദേഹം പറഞ്ഞു.
ധ്യാന് ചന്ദിന്റെ പേരില് പുരസ്ക്കാരം ഏര്പ്പെടുത്തുന്നതോ സ്മാരകം നിര്മ്മിക്കുന്നതോ ഉചിതമായ കാര്യമാണ് എന്നതില് തര്ക്കമില്ല. പക്ഷേ അത് മഹാനായ രാജീവ് ഗാന്ധിയെ അപമാനിച്ചു കൊണ്ടാവാന് പാടില്ല.
രാജീവ് ഗാന്ധിയെ അപമാനിച്ചു കൊണ്ട് സൃഷ്ടിച്ച പുരസ്ക്കാരം ധ്യാന് ചന്ദിന്റെ ശിരസില് ചാര്ത്തുക വഴി കേന്ദ്ര സര്ക്കാര് അദ്ദേഹത്തെയും അപമാനിച്ചിരിക്കുകയാണ്. ബി.ജെ.പി നേതാക്കളുടെ ഇടുങ്ങിയ മനസും അസഹിഷ്ണുതയുമാണ് ഇതിലൂടെ പ്രകടമാകുന്നതെന്നും രമേശ് ചെന്നിത്തല പറഞ്ഞു.